is Íslenska en English

Lokaverkefni (Bakkalár)

Háskólinn á Akureyri > Viðskipta- og raunvísindasvið > B.S. verkefni >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/3216

Titill: 
  • Áframeldi á túnfiski (Thunnus Thynnus)
Námsstig: 
  • Bakkalár
Útdráttur: 
  • Tilgangur verkefnisins er að bera saman hagkvæmni á áframeldi Túnfisks (e. Bluefin tuna) og heilsárseldi sömu tegundar. Staða stofna, veiðar og markaðir eru kannaðir ásamt ólíkum eldisformum. Nálgun viðfangsefnis er frá hinu víðtæka til hins sértæka. Hið víðtæka er eldi á heimsvísu og hið sértæka þá fyrirtækið sem unnið er með í verkefninu. Verkefnið er unnið í samstarfi við Baja Aqua farms SA de CV sem er staðsett á vesturströnd Mexíkó. Nánar tiltekið í Ensenada og hafa núverandi eigendur starfrækt það frá 2004.
    Eldi á túnfiski fer að stærstum hluta fram í áframeldi á villtum fiski, hluta úr ári; 5-8 kg fiski í Kyrrahafinu við strendur Japans, 20-30 kg fiski í Kyrrahafinu við Mexico og í Miðjarðarhafinu allt að 300 kg fiskum. Seiðaveiðar til áframeldis hafa verið reyndar í Japan; 500-1000 g seiði, jafnframt sem aleldi verið reynt þar með frjóvgun á eggjum, vandamál við aleldi eru þó fjölmörg og margt ógert
    Helstu niðurstöður benda til að; samkeppnishæfni Baja Aqua farms SA de CV á alþjóðamarkaði sé góð. Verð og aðgengi að aðföngum í virðiskeðjunni er mjög mismunandi milli landa og er Mexíkó því heppið að því leytinu til að þar er hvað minnstur framleiðslukostnaður á túnfiski í heiminum. Á móti kemur lægra afurðaverð, ástæða þess er að hærra verð fæst fyrir þyngri fisk og þeir eru með lægri meðalsláturþyngd en aðrir. Þess fyrir utan hafa aðrir þættir jafnframt mikil áhrif á möguleika til eldis; hitastig og straumar. Næmnigreining þar sem að könnuð er áhrif breytinga á helstu tekju- og kostnaðarliðum sýnir fram á að verð er stærsti áhrifaþáttur á arðsemi eldisins. Áhrif breytinga á fóðurkostnaði hefur að sama skapi mikil áhrif á arðsemina þó með minni hætti en verðið. Niðurstöður núvirðingar á sjóðstreymi hafa leitt það í ljós að arðsemi verkefnisins er vel ásættanlegt. Innri vextir þess eru reiknaðir 38% og ávöxtunarkrafa sem gerð var til verkefnisins 27%, það að innri vextir séu hærri en hún segir okkur að arðbært sé að ráðast heilsárseldi á túnfiski í Mexíkó.
    Lykilorð: Túnfiskur, áframeldi, vöxtur, markaðir, arðsemi.

Athugasemdir: 
  • Unnið í samvinnu við Baja Aqua-farms SA de CV sem staðsett er nærri Ensenada, Mexíkó.
    Verkefnið er lokað
Samþykkt: 
  • 14.7.2009
URI: 
  • http://hdl.handle.net/1946/3216


Skrár
Skráarnafn Stærð AðgangurLýsingSkráartegund 
pd_fixed.pdf2.44 MBLokaður"Áframeldi á túnfiski (Thunnus Thynnus)"-heildPDF
Áframeldi á túnfiski - forsíða.pdf26.39 kBOpinn"Áframeldi á túnfiski (Thunnus Thynnus)"-ForsíðaPDFSkoða/Opna
Áframeldi á túnfiski - Efnisyfirlit.pdf153.41 kBLokaður"Áframeldi á túnfiski (Thunnus Thynnus)"-EfnisyfirlitPDF
Áframeldi á túnfiski - Heimildaskrá.pdf20.32 kBLokaður"Áframeldi á túnfiski (Thunnus Thynnus)"-HeimildaskráPDF