is Íslenska en English

Lokaverkefni (Bakkalár)

Landbúnaðarháskóli Íslands > Auðlindadeild (2005-2016) > B.S. verkefni - Auðlindadeild >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/12448

Titill: 
  • Klaufsjúkdómar hjá mjólkurkúm á Íslandi
Námsstig: 
  • Bakkalár
Útdráttur: 
  • Klaufsjúkdómar eru algengir í mjólkurkúm erlendis og ásamt því að valda minnkun á velferð kúa eru þeir sumstaðar taldir vera þriðja kostnaðarsamasta heilbrigðisvandamálið í mjólkurkúm á eftir júgurbólgu og frjósemisvandamálum.
    Klaufsjúkdómar hafa aldrei verið rannsakaðir hér á landi í íslensku mjólkurkúnni en þekkt er að um 8% íslenskra kúa þjást af helti. Allt að því 90% tilfella helti stafar af klaufsjúkdómum. Markmið þessa verkefnis er að kanna tíðni og greina klaufsjúkdóma í íslensku mjólkurkúnni og reyna að ráða í þá þætti sem áhrif hafa á tíðni þeirra.
    Farið var með klaufskurðarmönnum í 9 fjós á Suðurlandi og 1 á Vesturlandi og klaufir skoðaðar á 445 kúm. Ýmsir aðbúnaðar- og fóðrunarþættir voru skráðir í hverju fjósi og einstaklingsmerki hverrar kýr skráð til þess að fá upplýsingar um fjölda daga frá síðasta burði og númer mjaltaskeiðs.
    Niðurstöður þessa verkefnis eru þær að einkenni klaufsjúkdóma sjást í klaufum um 77,5% kúa af þeim 445 kúm sem skoðaðar voru. Horneyðing sást í klaufum 50,1% kúa, vefskemmdir í hvítu línunni í klaufum 17,5% kúa, ofvaxnar klaufir á 17,5% kúa, snúnar klaufir á 5,6% kúa, tvöfaldur botn í klaufum 12,1% kúa, mar í klaufum 19,6% kúa og sár í klaufum 1,3% kúa. Þeir aðbúnaðarþættir sem höfðu marktæk áhrif á tíðni einkenna klaufsjúkdóma voru: Tegund fjóss, hreinleiki ganga, gerð ganga, gerð hreinsunarbúnaðar og grip yfirborðs ganga. Þeir fóðrunarþættir sem höfðu marktæk áhrif voru: Fjöldi daga fyrir burð sem byrjað er að gefa kjarnfóður, magn kjarnfóðurs gefið um burð og magn kjarnfóðurs gefið við 30 kg nyt. Einnig hafði fjöldi mjaltaskeiða og fjöldi daga frá síðasta burði marktæk áhrif á tíðni einkenna. Miðað við þau áhrif sem áðurnefndir þættir virðast hafa á klaufsjúkdóma, er margt hægt að gera til að bæta klaufheilsu mjólkurkúa á Íslandi.

Samþykkt: 
  • 29.6.2012
URI: 
  • http://hdl.handle.net/1946/12448


Skrár
Skráarnafn Stærð AðgangurLýsingSkráartegund 
BSc verkefni - Klaufsjúkdómar hjá mjólkurkúm á Íslandi - Tryggvi Höskuldsson.pdf848.2 kBOpinnPDFSkoða/Opna