Neytendakaup : galli og tilkynningarfrestur neytenda : hvaða sjónarmið ráða við mat á því hvort söluhlutur falli undir tveggja eða fimm ára hámarks tilkynningarfrest neytenda

Abstract

Neytendaréttur er sú undirgrein lögfræðinnar sem fjallar um réttarstöðu neytenda og er þaðviðfangsefni þessarar ritgerðar. Fjallað er í stuttu máli um réttarsviðið og sögu kaupalaga.Kynnt verður til sögunnar stjórnsýsla neytendamála. Þar á eftir er fjallað um gallareglur lagaum neytendakaup með hliðsjón af lögum um lausafjárkaup og tilskipunar ESB um tilteknaþætti í sölu neysluvara og ábyrgð þar að lútandi. Umfjöllunin tekur til hvers konar eiginleikasöluhlutir þurfa að hafa og hvenær galli telst vera til staðar. Tilkynningarfrestur neytenda erskoðaður og fjallað er um hvenær neytandi þarf að tilkynna seljanda um galla og þannhámarks tilkynningarfrest sem neytandi hefur þegar um galla er að ræða. Meginreglan umhámarkstilkynningarfrest eru tvö ár en undantekningu er að finna um söluhluti sem er ætlaðurverulega lengri endingartími en almennt gerist um söluhluti, en þá gildir fimm áratilkynningarfrestur. Höfundur reynir að skýra hvers konar söluhlutum er ætlaður verulegalengri endingartími en almennt gerist um söluhluti og hvaða sjónarmið ráða við mat á þvíhvort hlutur falli undir tveggja eða fimm ára hámarkstilkynningarfrest. Til þess var bæðiíslensk og norsk réttarframkvæmd skoðuð. Matið felst í hversu lengi neytandi mátti væntahver ending söluhlutar væri en horft er t.d. til kaupverðs, meðferðar og framleiðslufyrirtækissöluhlutar. Í ritgerðinni er tekinn saman tæmandi listi yfir þá hluti sem kærunefnd lausafjárogþjónustukaupa hefur fellt undir fimm ára tilkynningarfrest og eru einnig tekin dæmi úrnorskri framkvæmd