Samtök frjálslyndra og vinstrimanna - aðdragandi, tilvist og endalok

Abstract

Markmið þessarar ritgerðar er að lýsa aðdraganda, starfi og endalokum stjórnmála¬hreyfingar, sem stofnað var til undir lok sjöunda áratugar 20. aldar á Íslandi og nefndi sig Samtök frjálslyndra og vinstrimanna. Lýst er þróun íslenskrar vinstrihreyfingar fyrr á 20. öldinni, klofningi hennar og sameiningartilraunum og hvernig þau umbrot leiddu til myndunar þriðja stjórnmálaaflsins í vinstri stjórnmálum á Íslandi. Megin umfjöllun ritgerðarinnar snýr þó að nánasta aðdraganda og orsökum þess, að Samtök frjálslyndra og vinstrimanna voru stofnuð. Leitast er við að greina hvaða hlutverk Samtökunum var ætlað, hvers konar hreyfing Samtökin urðu og hvað réði örlögum þeirra. Niðurstaðan varpar ljósi á tilvistarkreppu og annan veikleika íslenskrar stjórnmálamenningar á 20. öld. Auk prentaðra og áður útgefinna heimilda byggir ritgerðin á óútgefnum gögnum úr starfi Samtakanna og viðtölum við þátttakendur úr stjórnmálastarfi þessara tíma.