EnglishisÍslenska

Member institutions

Search in


ThesisUniversity of Iceland>Félagsvísindasvið>Meistaraprófsritgerðir>

Please use this identifier to cite or link to this item: http://hdl.handle.net/1946/10282

Title
is

Ungir atvinnuleitendur. Viðhorf þeirra til vinnumarkaðarins, skóla og atvinnuleysis

Published
October 2011
Abstract
is

Tilgangurinn með þessu lokaverkefni var að skoða hvernig vinnumarkaðurinn, atvinnuleysið, skólinn og sú ráðgjöf sem þar er í boði snýr að ungu atvinnulausu fólki. Átakið Ungt fólk til athafna er sérstaklega skoðað en það er átaksverkefni sem ætlað er að styrkja stöðu ungra atvinnuleitenda. Ungt fólk er hlutfallslega fjölmennasti hópurinn á atvinnuleysisskránni. Efnahagsþrengingar bitna verst á ungu ómenntuðu fólki en 76% ungra atvinnuleitenda hefur ekki lokið neinni formlegri menntun eftir grunnskóla.
Tekin voru átta eigindleg viðtöl við unga atvinnuleitendur sem ekki höfðu lokið neinu formlegu námi. Tilgangurinn var að fá þeirra sýn á stöðu mála og fá hugmyndir hvað mætti betur fara.
Niðurstöðurnar benda meðal annars til þess að skólakerfið sé ekki að koma til móts við stóran hóp ungs fólks. Mikil áhersla á bóknám og lítil áhersla á náms- og starfsfræðslu og ónóg eftirfylgni og ráðgjöf er meðal annars nefnt sem skýring hvers vegna brottfall úr framhaldsskóla er eins hátt og raun ber vitni. Allir þátttakendur vilja auka við færni sína og mennta sig eitthvað meira en vita síður hvert þeir eigi að stefna. Vinnumarkaðurinn gerir sífellt meiri kröfur um menntun, störfum fyrir ófaglærða starfsmenn fækkar stöðugt og því upplifir ungt ómenntað fólk að það hafi lítið val um spennandi störf. Þeim finnst þau sitja eftir þar sem þau hafi litla menntun og starfsreynslu. Þátttakendur bera sig almennt nokkuð vel í atvinnuleysinu en segjast vera orðnir leiðir á ástandinu. Flestir eru sáttir við átakið Ungt fólk til athafna og telja að námskeiðin sem þeir hafa sótt í tengslum við átakið muni styrkja stöðu þeirra. Þátttakendur telja þó að meiri áherslu mætti leggja á starfsþjálfun samhliða því að sækja námskeið.

Issued Date
14/11/2011


Artifacts
Name[Sortable]Size[Sortable]Visibility[Sortable]Description[Sortable]Format
ungir atvinnuleite... .pdf864KBLocked until  01/01/2016 Complete Text PDF