EnglishisÍslenska

Member institutions

Search in


ThesisUniversity of Iceland>Félagsvísindasvið>B.A./B.Ed./B.S. verkefni>

Please use this identifier to cite or link to this item: http://hdl.handle.net/1946/10343

Title
is

Ekki eru allir viðhlæjendur vinir. Um nauðgunarbrot skv. 1. mgr. 194. gr. hgl. með áherslu á tengsl milli þolanda og geranda

Published
December 2011
Abstract
is

Kynferðisbrot teljast til alvarlegustu brota almennra hegningarlaga nr. 19/1940 þar sem þau taka á brotum gegn friðhelgi, sjálfsákvörðunarrétti, kynfrelsi og athafnafrelsi hvers einstaklings.
Í XXII. kafla hgl. er nauðgun gerð refsiverð skv. 194. gr. Nýlega gekkst kynferðisbrotakaflinn undir miklar breytingar þegar lög nr. 61/2007 tóku gildi. Réttarvernd þolenda var treyst enn frekar og skilgreining á hugtakinu nauðgun rýmkuð.
Í þessari ritgerð er sú tilgáta sett fram að séu tengsl milli geranda og þolanda hafi það áhrif á refsimat dómstóla þegar refsing er ákvörðuð vegna nauðgunarbrots. Ekki verður fullyrt hversu mikil áhrifin eru í mánuðum talið en tengslin eru ljós þegar horft er á dómaframkvæmd á árunum 1977-2010. Virðast tengsl oftar en ekki hafa áhrif til mildunar dóms.
Umfjöllunin tekur ekki til nauðgunarbrota þar sem gerandi og þolandi eru tengdir ættarböndum né þegar þolandi er barn að aldri og þroska.
Aðallega verður horft til tengsla sem myndast þegar gerandi er fyrrverandi eða núverandi sambýlismaður/kona, maki eða kærasti/kærasta þolanda. Ásamt áhrifum á refsimatið verða skoðuð áhrif tengsla á þolendur varðandi tilkynningar á brotum og hvernig þeir upplifa nauðgunarbrot sem fellur ekki undir almennar hugmyndir manna um hefðbundna nauðgun þar sem gerandi er oftast ókunnur aðili. Farið verður stuttlega yfir samanburð við Norðurlöndin og einnig skoðað hvernig hegningarlög þeirra taka á nauðgunarbrotum þar sem tengsl eru á milli þolanda og geranda áður en brot er framið.
Að endingu er stuttlega gerð grein fyrir helstu niðurstöðum ritgerðarinnar.

Issued Date
13/12/2011


Artifacts
Name[Sortable]Size[Sortable]Visibility[Sortable]Description[Sortable]Format
BA-ritgerd-LRK.pdf154KBLocked Complete Text PDF