is Íslenska en English

Lokaverkefni (Meistara)

Háskólinn í Reykjavík > Samfélagssvið / School of Social Sciences > MPH Kennslufræði og lýðheilsudeild (-2013) >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/10450

Titill: 
  • Reynsla foreldra af þjónustu vettvangsteymis Barna- og unglingageðdeildar Landspítala
Námsstig: 
  • Meistara
Leiðbeinandi: 
Útdráttur: 
  • Mikilvægt er að færa geðheilbrigðisþjónustu við börn og unglinga í nærumhverfi þeirra s.s. með heimaþjónustu en þróunin hefur verið í þá átt í nágrannalöndum okkar. Samvinna við foreldra og þátttaka þeirra í meðferðarvinnu á barna- og unglingageðdeildum er mjög mikilvæg til þess að þeir geti framfylgt þeim úrræðum sem verið er að leggja til og einnig til þess að þau upplifi meiri stuðning og séu sáttari.
    Markmið: Afla upplýsinga um hug notenda til þjónustu vettvangsteymis Barna- og unglingageðdeildar (BUGL) Landspítala og hvernig sú þjónusta nýtist þeim. Einnig er markmiðið að leita mögulegra leiða til að bæta þjónustuna og sníða hana enn betur þörfum notenda.
    Aðferðir: Rannsóknaraðferðin er megindleg og rannsóknarsniðið þverskurðarsnið. Spurningalisti var sendur í mars 2008 til foreldra allra barna sem höfðu fengið þjónustu frá vettvangsteymi BUGL á þeim tíma sem spurningalistinn var sendur út og var því allt þýðið í úrtakinu. Rannsóknin var samþykkt af Vísindasiðanefnd og tilkynnt til Persónuverndar.
    Niðurstöður: Af 92 spurningalistum sem voru sendir út barst svar frá 40 fjölskyldum og í flestum tilvikum svaraði móðir spurningunum (91%). Meðalaldur barns þátttakenda var 11 ár. Foreldrar eru almennt mjög jákvæðir gagnvart þjónustu vettvangsteymisins. Þeir þættir í þjónustunni sem kom fram mest ánægja með voru samskipti við starfsfólk vettvangsteymisins og fræðsla. Um þriðjungur þátttakenda var óviss um hvort vel hafi verið staðið að því þegar þjónustu var hætt.
    Ályktanir: Leiða má líkur að því að þjónustuform vettvangsteymisins henti foreldrum vel og að almenn ánægja sé meðal foreldra að fá þjónustu í nærumhverfi barnsins. Aftur á móti þarf að standa betur að verki þegar að þjónustu vettvangsteymis lýkur.

Samþykkt: 
  • 5.1.2012
URI: 
  • http://hdl.handle.net/1946/10450


Skrár
Skráarnafn Stærð AðgangurLýsingSkráartegund 
Reynsla foreldra af þjónustu vettvangsteymis Barna- og unglingageðdeildar Landspítala.pdf1.08 MBOpinnHeildartextiPDFSkoða/Opna