is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/10573

Titill: 
  • Verðtrygging, af eða á? Er ráðlegt að afnema verðtryggingu miðað við núverandi ástand?
Námsstig: 
  • Bakkalár
Útdráttur: 
  • Viðfangsefni þessarar ritgerðar er verðtrygging. Markmið ritgerðarinnar er að fjalla almennt um verðtryggingu og skoða þá þætti er hana varða á fræðilegum grundvelli. Þá er leitast við því að svara þeirri spurningu, hvort mögulegt sé að afnema verðtrygginguna miðað við núverandi aðstæður í íslensku efnahagslífi. Í ritgerðinni er að finna ítarlega umfjöllun um verðtryggingu, þar sem leitast er við að skýra hugtakið sem best, auk þess sem hagfræðileg hugtök nátengd viðfangsefninu eru skýrð. Saga verðtryggingar er rakin í grófum dráttum og hlutverk hennar útskýrt. Höfundur reynir eftir fremsta megni að fjalla hlutlaust um kosti og ókosti verðtryggingar, auk þess sem farið er yfir löggjöf um verðtryggingu. Þá er fjallað um verðtrygginguna og íslenska efnahagshrunið, og þau áhrif sem hrunið hefur haft á verðtryggð lán, en ef til vill ekki hvað síst á afstöðu fólks til verðtryggingar og þá umræðu sem skapast hefur um málefnið í kjölfar hrunsins. Farið er yfir þá fullyrðingu að verðtrygging lána skaði hagsmuni neytenda, og hvort sú fullyrðing standist.
    Fyrir tíma verðtryggingar var verðbólga mikil, og hún hafði hrætt fólk frá því að spara. Sparifé almennings hafði brunnið upp, og fólk fjárfesti jafnvel frekar í steinsteypu en að leggja fyrir. Eftir að Ólafslögin svokölluðu voru lögfest, og verðtrygging eins og við þekkjum hana varð heimil, varð sparnaður hagkvæmur á ný. Verðtryggingin hefur því átt stóran þátt í mjög jákvæðum breytingum á íslensku efnahagslífi í hagsögunni, en þetta hefur gleymst í neikvæðri umræðu um verðtryggingu eftir hrunið.
    Ályktanir mínar eru dregnar saman í niðurstöður í lok áttunda og síðasta kafla ritgerðarinnar. Þar kemst ég að þeirri niðurstöðu að afnám verðtryggingar sé óraunhæfur kostur, að minnsta kosti á meðan íslenska krónan er gjaldmiðill hér á landi.

Samþykkt: 
  • 13.1.2012
URI: 
  • http://hdl.handle.net/1946/10573


Skrár
Skráarnafn Stærð AðgangurLýsingSkráartegund 
BA ritgerð.pdf909.91 kBLokaður til...01.01.2032MeginmálPDF
FORMÁLI.pdf7.7 kBLokaður til...01.01.2032FormáliPDF
Forsíða og bakhlið.pdf288.58 kBOpinnForsíðaPDFSkoða/Opna