Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/10776
Í þessari ritgerð er fjallað um samskipti barna og starfsfólks í leikskólum sem innleitt hafa Stuðning við jákvæða hegðun (Positive behavior support, PBS) og mælingar með beinu áhorfi bornar saman við svör starfsfólks við sjálfsmatslista um samskiptin og hegðun barnanna. PBS er kerfi sem miðar að því að auka æskilega hegðun með því að veita henni aukna jákvæða athygli. Rannsóknir hafa sýnt að PBS minnkar neikvæða hegðun, eykur samræmi í eftirfylgd reglna og aðgerða og eykur jákvæð samskipti og virkni í skólastarfi (Sprague o.fl., 2001). Mælingar með beinu áhorfi fóru fram í tveimur leikskólum í samverustund og hádegismat og eftir að þeim var lokið var sjálfsmatslisti lagður fyrir starfsfólk. Niðurstöður sýndu marktækan mun á sjálfsmati og mælingum með beinu áhorfi þar sem sjálfsmat var á lang flestum breytum hærra en mælingar með beinu áhorfi. Starfsfólk ofmat notkun sína á skýrri væntingu til hegðunar sem og viðbrögðum við hegðun en vanmat aftur á móti æskilega og óæskilega hegðun barnanna. Ef miðað er við þessar niðurstöður má segja að aðferðir PBS séu ekki nægilega mikið notaðar innan skólanna þó sjálfsmat sýni að starfsfólki finnist að það sé að beita og vinna að aðferðum og markmiðum PBS.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Nanna Maren Stefánsdóttir_ritgerð.pdf | 632.88 kB | Opinn | Heildartexti | Skoða/Opna |