EnglishisÍslenska

Member institutions

Search in


ThesisUniversity of Akureyri>Viðskipta- og raunvísindasvið>B.S. verkefni>

Please use this identifier to cite or link to this item: http://hdl.handle.net/1946/1078

Title
is

60 +

Abstract
is

Við einkarekstur hjúkrunarheimilis og þjónustu sem tengist aldurshópnum 60+ er að mörgu að hyggja. Markmið hugmyndarinnar er að byggt verði þorp fyrir 60 ára og eldri þar sem víðtæk þjónusta yrði til staðar til að koma til móts við væntingar neytenda og reynt væri að nýta sem best samlegðaráhrif og hagkvæmni stærðar. Tilgangur viðskiptaáætlunarinnar 60+ er að athuga hvort þörf fyrir slíka þjónustu sé meðal fólks yfir sextugu og hvort slíkur rekstur sé arðbær.
Reksturinn krefst jákvæðrar afstöðu yfirvalda því algjörlega er í höndum ríkisins að veita leyfi og fjármagn. Fyrsta verk er þó að sýna fram á þörf fyrir þjónustuna og er einfaldast að líta til biðlista, en þar virðist sem þörfin sé til staðar, þó ekki í þeim mæli sem gert er ráð fyrir í áætluninni. Þar kemur til að á næstu árum mun þörfin aukast því þjóðin eldist og fram koma ný sjónarmið nýrrar elstu kynslóðar. Einnig má nefna að FSA vill síður reka hjúkrunardeild.
Ef fara á út í þennan rekstur þarf að líta á verkefnið sem langtímafjárfestingu, þar sem miklar fjárhæðir verða bundnar í fjárfestingum og lánum. Skýrt kemur fram í áætluninni að Framkvæmdarsjóður aldraðra og Akureyrarbær leggja til mestu fjárhæðirnar í formi styrkja, sem þýðir að ekki liggur mikil áhætta á herðum rekstraraðila. Þeir þurfa einungis að leggja til hlutafé upp á 4.000.000.- kr.
Útreikningar sýna að 60+ er ekki gott rekstrartækifæri ef þær forsendur sem lagðar eru til grundvallar standast. Áætlunin stendur ekki einu sinni undir 12% raunávöxtun á eigið fé. Ávöxtun sem hægt er að gera er 8,6% og er það minna heldur en veginn meðalkostnaður fjármagns, sem er 11.3%. Er því ljóst að dæmið gengur ekki upp nema að daggjöld frá ríki verði hækkuð all verulega.
Ef sett eru inn í líkanið þau daggjöld sem Sóltún í Reykjavík er að fá, má segja að dæmið snúist algjörlega við. Þar má gera kröfu um 21,4% ávöxtun sem er langt yfir meðalkostnaði fjármagns. Fer þessi rekstur því algjörlega eftir því hversu vel samningar takast við ríkið, bæði hvað varðar daggjöld sem og styrki.
Lykilorð:
 Öldrunarþjónusta
 Arðsemismat
 Markaðsgreining
 Einkarekstur
 60+

Issued Date
01/01/2003


Artifacts
Name[Sortable]Size[Sortable]Visibility[Sortable]Description[Sortable]Format
60plus.pdf800KBOpen 60 + - heild PDF View/Open