is Íslenska en English

Lokaverkefni (Bakkalár)

Háskólinn á Bifröst > Viðskiptadeild > Lokaverkefni í viðskiptadeild (BS) >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/10989

Titill: 
  • Faglegar starfsráðningar : lykilatriði atvinnuviðtala
  • Titill er á ensku Professional selection of personnel : key elements of interviewing new employees
Námsstig: 
  • Bakkalár
Útdráttur: 
  • Nú á tímum standa mörg fyrirtæki andspænis fjölmörgum umsækjendum fyrir hvert auglýst starf, og margir stjórnendur fyrirtækja styðjast oft við starfsviðtöl þegar kemur að því að finna hæfa einstaklinga. Raunin er sú, að starfsviðtöl eru oft túlkuð sem samtal milli tveggja aðila frekar en afar nákvæmt ferli sem krefst mikils undirbúnings og skipulags. Það er ekki óalgengt að stjórnendur falli í þá gildru að ráða til sín einstaklinga eftir eðlisávísun og innsæi, sem getur reynst fyrirtækjum afar dýrkeypt þegar til lengri tíma er litið.
    Megin tilgangur ritgerðarinnar er að varpa ljósi á þær aðferðir og leiðir sem hægt er að styðjast við til þess að framkvæma faglegt og gott starfsviðtal, og auka þannig líkurnar á að réttur aðili verði ráðinn hverju sinni. Farið er m.a. yfir markmið starfsviðtala, undirbúning þeirra, öflun hæfra umsækjenda, umhverfi starfsviðtals og faglegar viðtalsspurningar. Fjallað er um þá þætti sem vert er að huga að, og hvað beri að varast til þess að komast hjá algengum mistökum við starfsráðningar.
    Leitast er við að rannsaka hvort sú tilgáta standist að hægt sé að ráða réttan aðila til starfs með því að standa að faglegu starfsviðtali. Helstu niðurstöður styðja þá tilgátu þar sem það kemur fram, að hægt er að byggja upp starfsviðtal sem á hnitmiðaðan og skilvirkan hátt leiðir stjórnendur að hæfasta umsækjandanum. Þessum niðurstöðum var náð með því að styðjast við heimildir á borð við bækur, mestmegnis eftir erlenda höfunda sem eru sérfræðingar á sviði mannauðsstjórnunar og viðtalstækni, og veraldarvefinn.

Samþykkt: 
  • 2.4.2012
URI: 
  • http://hdl.handle.net/1946/10989


Skrár
Skráarnafn Stærð AðgangurLýsingSkráartegund 
BS Ritgerd_Rakel Gudmundsdottir_12.12.2011.pdf1.48 MBOpinnHeildartextiPDFSkoða/Opna