Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/11039
Ritgerðin fjallar um umboðssvikaákvæðið í 249. gr. Í ritgerðinni er leitast við að gefa skýra mynd af ákvæðinu og notkun þess í dómaframkvæmd auk þess sem að áhersla er lögð á að skoða þýðingu ákvæðisins í málum sem lúta að ólögmætum lánveitingum í starfssemi fjármálafyrirtækja og annarra stofnana. Í upphafi er fjallað í stuttu máli um auðgunarbrotakafla hegningarlaganna og sögu umboðssvikaákvæðisins. Næsti kafli fjallar nánar um inntak og einkenni ákvæðisins og þau könnuð með hliðsjón af dómaframkvæmd. Í næstu tveimur köflum þar á eftir verða hlutlæg og huglæg skilyrði ákvæðisins könnuð. Hlutlægu skilyrðin sem fjallað er um eru; aðstaða geranda, misnotkun geranda á þeirri aðstöðu, auðgun og orsakasambandið sem verður að vera á milli misnotkunarinnar og auðgunar. Í kaflanum um huglæg skilyrði umboðssvika er fjallað um þau ásetningsskilyrði sem þurfa að vera uppfyllt svo að sakfella megi fyrir umboðssvik auk þess sem fullframningarstig brotsins verður afmarkað. Í síðasta kaflanum er fjallað um dómsmál þar sem reynir á lögmæti lánveitinga og hvort aðilar hafi með ótryggum lánveitingum gerst sekir um umboðssvik. Í þessum kafla eru reifaðir nokkrir dómar Hæstaréttar sem hafa fallið um slík mál á Íslandi auk þess sem skoðaður verður sérstaklega nýlegur dómur héraðsdóms Reykjavíkur sem ekki hefur enn fengið úrlausn Hæstaréttar.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
HI_kapa_logfreadi-skemman.pdf | 105.24 kB | Opinn | Forsíða | Skoða/Opna | |
Ba ritgerð til prentunar-loka.pdf | 434.19 kB | Opinn | Meginmál | Skoða/Opna |