Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/11041
Ritgerð þessari er ætlað að skoða þörfina á nýju stjórnarskrárákvæði um framsal ríkisvalds til alþjóðastofnanna og verður hér litið sérstaklega til umræðna í kringum aðild að Evrópusambandinu og Evrópska efnahagssvæðinu. Miklar umræður hafa átt sér stað um nauðsyn þess að breyta stjórnarskránni svo að hún hafi að geyma heimild til framsals ríkisvalds til alþjóðastofnanna. Hafa þær umræður oftar en ekki aðallega beinst að Evrópusamvinnu, hvort sem það er EES samstarfið, Schengen samstarfið eða ESB.
Í fyrsta kafla verður farið ofan í saumana á íslensku stjórnarskránni og skoðað hvaða takmarkanir íslenska stjórnarskráin setur við framsal ríkisvalds. Í þeim kafla verður fjallað umhugtökin fullveldi og ríkisvald og þau ákvæði skoðuð sem fela í sér vernd þessara grundvallaratriða. Í öðrum kafla verður skoðað hvaða svigrúm stjórnarskráin veitir handhöfum ríkisvaldsins til alþjóðasamstarfs og framsal ríkisvalds. Í þriðja kafla ritgerðarinnar verður vikið að Norðurlöndunum og farið yfir heimildir sem stjórnarskrár þessara landa veita í þessum efnum. Þar verður bæði vikið að sögu ákvæðanna og efni.
Í fjórða og síðasta kaflanum verður fyrst vikið að skoðunum helstu fræðimanna í þessum efnum og síðan það nefndarstarf skoðað og greint sem fram fór við inngöngu Íslands í EES og Schengen. Þessi greining verður svo notuð til hliðsjónar við mat á því hvort til stjórnarskrárbreytingar þurfi að koma fyrir inngöngu inn í ESB.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Þorsteinn Svanur Jónsson.pdf | 345.32 kB | Opinn | Heildartexti | Skoða/Opna | |
Þorsteinn Kápa.pdf | 132.77 kB | Opinn | Forsíða | Skoða/Opna |