is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/11057

Titill: 
  • Friðhelgi einkalífs barna. Birting dóma
Námsstig: 
  • Bakkalár
Leiðbeinandi: 
Útdráttur: 
  • Í ritgerð þessari er, eins og heiti hennar gefur til kynna, fjallað um friðhelgi einkalífs barna við birtingu dóma í málum þar sem börn koma við sögu.
    Í 1. mgr. 16. gr. Barnasáttmála Sameinuðu þjóðanna segir að eigi megi láta barn sæta gerræðislegum eða ólögmætum afskiptum af einkalífi þess, fjölskyldu, heimili eða bréfum, né ólögmætri árás á sæmd þess eða mannorð og í 2. mgr. 16. gr. sáttmálans segir að barn eigi rétt á vernd laganna fyrir slíkum afskiptum og árásum. Í þessari ritgerð er leitast við að varpa ljósi á að hvaða leyti íslenskt lagaumhverfi fullnægir þessari alþjóðlegu skuldbindingu með tilliti til opinberrar birtingar dóma. Með öðrum orðum þá er leitað svara við þeirri spurningu hvort friðhelgi einkalífs barna sé veitt nægileg vernd þegar dómar eru birtir opinberlega.
    Efnistök eru með þeim hætti að í öðrum kafla er litið til alþjóðlegra samninga sem Ísland er aðili að og skoðuð ákvæði þeirra er lúta að friðhelgi einkalífs og opinberri birtingu dóma. Í framhaldi af því er skoðuð framkvæmd Mannréttindadómstóls Evrópu. Þar eru tveir dómar reifaðir nokkuð ítarlega þar sem þeir varpa skýru ljósi á hvoru tveggja tilgang opinberrar birtingar sem og takmörkun hennar vegna hagsmuna barna, þ. á m. hagsmunir friðhelgi einkalífs þeirra. Í kafla þrjú er fjallað um þau ákvæði stjórnarskrárinnar nr. 33/1944 sem taka til álitaefnisins en það eru ákvæði 70., 71. og 3. mgr. 76. gr. Í kafla fjögur er fjallað um birtingu hæstaréttardóma og farið er yfir reglur réttarins um útgáfu dóma. Í fimmta kafla er fjallað um birtingu héraðsdóma. Fyrst er fjallað um birtingu dóma í einkamálum og síðan um birtingu dóma í sakamálum. Þá eru teknar til skoðunar reglur dómstólaráðs um birtingu dóma á heimasíðu héraðsdómstólanna. Í kafla sex er farið yfir sérákvæði sem einnig er litið til, þ.e. ákvæða barna- og barnaverndarlaga. Að lokum eru í kafla sjö dregnar saman helstu niðurstöður og tillögur að úrbótum.

Samþykkt: 
  • 16.4.2012
URI: 
  • http://hdl.handle.net/1946/11057


Skrár
Skráarnafn Stærð AðgangurLýsingSkráartegund 
Sigurður Rúnar Birgisson - Friðhelgi einkalífs barna - Birting Dóma - Meginmál.pdf348.58 kBOpinnMeginmálPDFSkoða/Opna
Sigurður Rúnar Birgisson - Friðhelgi einkalífs barna - Birting Dóma - Forsíða.pdf106 kBOpinnKápaPDFSkoða/Opna