Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/11247
Viðfangsefni ritgerðarinnar er innri upplýsingamiðlun, starfsánægja og tengslin þar á milli á íslenskum vinnumarkaði. Innri upplýsingamiðlun er skilgreind sem félagsleg samskipti með táknum og er mikilvægt ferli innan fyrirtækja. Í ritgerðinni er auk þess gert grein fyrir ábyrgð stjórnenda á skilvirkni ferlisins sem er mikilvægt fyrir hag fyrirtækja og jafnframt líðan starfsfólks. Ætlunin er að ritgerðin stuðli að skilningi á mikilvægi þessara þátta og tengsla þeirra á milli.
Framkvæmd var megindleg rannsókn með spurningalista og viðfangsefnið er starfsfólk á íslenskum vinnumarkaði. Rannsóknarritgerðin í heild sinni skiptist í tvo hluta þar sem fyrri hlutinn er fræðileg umfjöllun um hugtökin upplýsingamiðlun og starfsánægja auk þess sem fjallað er um tengsl hugtakanna með hliðsjón af kenningum og rannsóknum fræðimanna. Seinni hlutinn snýr að niðurstöðum rannsóknarinnar.
Helstu niðurstöður sýna að þátttakendur rannsóknarinnar, starfsfólk á íslenskum vinnumarkaði er frekar ánægt með innri upplýsingamiðlun á sínum vinnustað og er jafnframt frekar ánægt í starfi. Niðurstöður sýna auk þess fram á tengsl á milli ánægju með innri upplýsingamiðlun og starfsánægju almennt.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Margret_Helga_Johannsdottir.pdf | 1.12 MB | Opinn | Heildartexti | Skoða/Opna |