Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/1151
Lokaverkefni þetta fjallar um astma- og ofnæmisveik börn í leikskólum, félagsþroska og samskipti, ásamt skilningi leikskólakennara á astma og ofnæmissjúkdómum. Rannsóknarviðfangsefnið er að kanna hvort tillit sé tekið til barna með þessa sjúkdóma og veikindum þeirra veitt athygli, en lítið hefur verið um rannsóknir á þessu sviði innan leikskólanna.
Fjallað er um astma, einkenni, lyfjameðhöndlun og rannsóknir á tíðni hjá íslenskum börnum. Þá er fjallað um félagsþroska leikskólabarna, leik barna, sjálfsmynd þeirra og samskipti heimilis og skóla.
Til að varpa ljósi á viðfangsefnið voru spurningalistar lagðir fyrir tuttugu og tvo deildarstjóra í fimm stærstu leikskólum Akureyrar og viðtöl tekin við mæður fjögurra astmaveikra barna í þeim tilgangi að fá svör við því hvort nægjanleg þekking og skilningur sé til staðar í leikskólum.
Í niðurstöðukafla er samanburður á svörum úr spurningalistum sem lagðir voru fyrir deildarstjórana og niðurstöðum úr viðtölum við mæður astmaveiku barnanna, einnig er leitast við að túlka niðurstöður og setja í samhengi við fræðin.
Helstu niðurstöður verkefnisins eru í stuttu máli að auka þurfi fræðslu um astma- og ofnæmissjúkdóma meðal leikskólakennara. Einnig að leikskólakennarar þurfi að horfa betur á hvert og eitt barn í leik og í félagslegum samskiptum innan skólanna.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
veruleik.pdf | 885.93 kB | Opinn | Veruleikanum er hægt að breyta með breyttu hugarfari - heild | Skoða/Opna |