EnglishisÍslenska

Member institutions

Search in


ThesisUniversity of Akureyri>Hug- og félagsvísindasvið>B.A./B.Ed. verkefni>

Please use this identifier to cite or link to this item: http://hdl.handle.net/1946/1168

Title
is

Börn og sorg

Abstract
is

Eftirfarandi ritgerð er unnið sem lokaverkefni til B.Ed.- prófs við Háskólann á Akureyri á vormisseri 2003. Tilgangurinn er að kanna aðstæður skólabarna og fjölskyldna, sem lenda í sorg og hvað er gert í skólum. Ritgerðin fjallar að mestu um sorg tengda andláti.
Við byrjum á að fjalla um sorgina fyrr og nú og þær breytingar sem hafa orðið í tengslum við dauðann vegna breyttra þjóðfélagshátta, skilning barna á dauðanum og þátttöku þeirra í kveðjuathöfnum eins og þær eru í dag. Í ritgerðinni reynum við að varpa ljósi á sorg, sorgarferli og sorgarviðbrögð barna. Við segjum frá skilgreiningu nokkurra fræðimanna á því, út frá aldri, vitsmunaþroska og tengslum barnanna við hinn látna.
Í seinni hlutanum komum við inn á það sem nú þegar er gert í skólunum, hvað fleira væri hægt að gera og ábendingar frá prestum sem hafa tekið saman reynslu sína af því að vinna með fjölskyldum í sorg. Þá tókum við viðtöl við þrjá einstaklinga, sem allir hafa reynslu af stuðningi við börn í sorg. Þau voru við tvær mæður sem hafa upplifað hvernig unnið var með sorgina í skólum barna þeirra. Einnig leikskólastjóra sem hefur mikla reynslu af áföllum tengdum sínum leikskóla. Viðtöl við þessa aðila fléttum við inn í seinni hluta ritgerðarinnar.
Helstu niðurstöður eru þær, að mikilvægt er að rétt sé tekið á málum syrgjandi barna, foreldra og starfsfólks. Einnig er mikilvægt að við hvern skóla sé áfallaráð og í því sitji starfsfólk sem sér um framkvæmd þess sem þarf að gera þegar sorg ber að dyrum. Þetta ferli þarf að vera skriflegt svo allir geti kynnt sér það og viti hvað eigi að gera, þó svo að skoða beri hvert og eitt tilfelli sérstaklega. Til að allt þetta geti orðið að veruleika þurfa allir nemar í grunn- og leikskólafræðum að eiga kost á kennslu þar sem sorgin og viðbrögð við henni er tekin fyrir.

Comments
is

Verkefnið er opið nemendum og starfsfólki Háskólans á Akureyri

Issued Date
01/01/2003


Artifacts
Name[Sortable]Size[Sortable]Visibility[Sortable]Description[Sortable]Format
bornsorg-e.pdf254KBOpen Börn og sorg - efnisyfirlit PDF View/Open
bornsorg-h.pdf120KBOpen Börn og sorg - heimildaskrá PDF View/Open
bornsorg-u.pdf60.2KBOpen Börn og sorg - útdráttur PDF View/Open
bornsorg.pdf331KBMembers Börn og sorg - heild PDF