Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/11693
Ritgerð þessi er lokaverkefni til B.A. prófs í félagsráðgjöf við Háskóla Íslands.
Meginefni þessarar heimildaritgerðar er fæðingarþunglyndi og þættir sem því
tengjast. Leitast er við að svara spurningum um hvað fæðingarþunglyndi sé og
hverjir séu áhættuþættir þess. Hvaða aðferð hentar best fyrir heilbrigðisstarfsfólk
til að skima eftir fæðingarþunglyndi hjá konum? Áhrif fæðingarþunglyndis eru
skoðuð út frá móður, barni og maka. Fjallað er um þær kenningar sem leitast við
að skýra afleiðingar fæðingarþunglyndis á tengslamyndun móður og barns, þar
sem rannsóknir hafa sýnt að léleg tengslamyndun er algengari hjá mæðrum með
fæðingarþunglyndi. Þeir þættir sem valda því að móðir leitar sér ekki hjálpar við
fæðingarþunglyndi eru athugaðir ásamt því að fjallað verður um hvaða meðferðir
eru notaðar við meðhöndlun fæðingarþunglyndis og þá þjónusta sem er í boði á
Íslandi. Hlutverk félagsráðgjafa eru skoðuð og hvernig nálgun starfsstéttarinnar
getur unnið að því að bæta þjónustu við mæður með fæðingarþunglyndi og
fjölskyldur þeirra. Niðurstaða ritgerðarinnar er sú að fræðsla á meðgöngunni og
stuttu eftir fæðingu barns virðist geta komið í veg fyrir langtímaafleiðingar
fæðingarþunglyndis hjá móður, barni og fjölskyldu. Aukin fræðsla eykur einnig
líkurnar á því að mæður leiti sér fyrr hjálpar og getur hún leitt til þess að umræðan
um fæðingarþunglyndi verður opinskárri á Íslandi.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Marta Joy Hermannsdóttir BA ritgerð lokaskjal.pdf | 382.01 kB | Opinn | Heildartexti | Skoða/Opna |