Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/12011
Tilgangur rannsóknarinnar var að meta árangur af námskeiðinu „Láttu í þér heyra!“ sem er sérstaklega ætlað unglingum með félagskvíða. Námskeiðið er þýdd og staðfærð útgáfa af bandaríska námskeiðinu „Stand up, speak out“. Námskeiðið var haldið á Kvíðameðferðarstöðinni og voru þátttakendur níu, sex stúlkur og þrír drengir á aldrinum fjórtán til nítján ára. Við mat á árangri voru notaðir spurningalistar, skoðuð voru kvíðastigveldi þátttakenda við upphaf og lok meðferðar auk þess sem fylgst var með tveimur þátttakendum með beinu áhorfi í tímum. Á heildina litið lofa niðurstöður góðu. Lækkun varð á heildarskori allra lista, mat þátttakenda á ótta við aðstæður lækkaði og það dró úr kvíðahegðun samkvæmt beinu áhorfi. Beðið er eftir niðurstöðum þriggja og sex mánaða eftirfylgdar en niðurstöður erlendra rannsókna á „Stand up, speak out“ hafa sýnt að árangur heldur áfram að aukast eftir því sem lengra líður frá námskeiði.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Lattuiþerheyra.pdf | 2.2 MB | Opinn | Heildartexti | Skoða/Opna |