EnglishisÍslenska

Member institutions

Search in


ThesisUniversity of Iceland>Heilbrigðisvísindasvið>Meistaraprófsritgerðir>

Please use this identifier to cite or link to this item: http://hdl.handle.net/1946/12054

Title
is

Nýting á sálfræðiþjónustu Neyðarmóttöku fyrir þolendur kynferðisofbeldis

Published
June 2012
Abstract
is

Neyðarmóttaka fyrir þolendur kynferðisofbeldis var stofnuð á Landspítala í Fossvogi árið 1993 þar sem veitt er læknisskoðun, ráðgjöf og sálfræðiþjónusta. Slíkar neyðarmóttökur hafa verið stofnaðar víða um heim en lítið er vitað um það hvernig þjónustunýting er á slíkum neyðarmóttökum. Markmiðið með þessari rannsókn var að kanna nýtingu á sálfræðiþjónustu Neyðarmóttökunnar á Landspítala. Þátttakendur voru allir þolendur (n=501) sem leituðu til Neyðarmóttökunnar árin 2007 til 2010 og var rannsóknin unnin út frá upplýsingum úr sjúkraskýrslum þolenda. Helstu niðurstöður voru að meirihluti þátttakenda eða 367 (73%) þáðu símtal frá sálfræðingi Neyðarmóttöku. Af þeim hlaut 141 áfallahjálp en rúmur helmingur þeirra sem þáði áfallahjálp þáði einnig frekari sálfræðimeðferð. Algengast var að þolendur sæktu á bilinu eitt til fjögur viðtöl hjá sálfræðingi Neyðarmóttöku en 93% þeirra sem þáðu þjónustu hlutu 20 viðtöl eða færri. Í ljós kom að þeir sem voru yngri og þeir sem höfðu fyrri áfallasögu voru líklegri til að þiggja þjónustu sálfræðings eða tilvísun annað. Af niðurstöðunum má ráða að þolendur kynferðisofbeldis eru áhugasamir um þjónustu sálfræðings í kjölfar komu á Neyðarmóttöku en fáir nýta sér þó þjónustuna.

Issued Date
06/06/2012


Artifacts
Name[Sortable]Size[Sortable]Visibility[Sortable]Description[Sortable]Format
GunnhildurRitgerðL... .pdf599KBOpen Complete Text PDF View/Open