Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/1213
Verkefnið tengist nýtingu vísindasetra í námi og kennslu og er hugsað sem upplýsingamappa fyrir grunnskóla og er hún í þremur sjálfstæðum hlutum. Fyrst er sjónum beint að vísindasetrum eins og þau tíðkast erlendis og hvaða hlutverki þau gegna í námi og kennslu. Sagt er frá nokkrum rannsóknum á þýðingu og tilgangi vísindasetra þar sem fram kemur að í langflestum tilfellum skiptir miklu máli að sýningarnar séu gagnvirkar eða snertisýningar. Þar gefst gestum kostur á að uppgötva sjálfir og vera virkir þátttakendur í sýningunni. Með því að snerta fá gestir að ráða sjálfir framvindu heimsóknarinnar og verða þannig fyrir auknum áhrifum frá sýningunni.
Síðan er bent á hvernig hægt er að nota söfn, setur og skipulagða garða sem er að finna víða um land í náttúrufræðikennslu og jafnframt tengja þau við markmið í Aðalnámskrá grunnskóla.
Safnalistinn sem fylgir inniheldur upplýsingar um söfn, setur og skipulagða garða á svæðinu frá Árneshreppi á Ströndum til og með Eyjafirði.
Að lokum koma fjögur kennsluverkefni ásamt lausnum sem tengjast Selasetri Íslands á Hvammstanga og Byggðasafninu Hvoli á Dalvík. Einnig eru nokkrar hugmyndir að verkefnum sem hægt er að nota sem kveikjur áður en farið er í heimsókn á söfnin/setrin eða til að hnykkja á því sem fyrir augu bar og nemendur upplifðu.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Microsoft Word - lokaverkefni_jonagudrun_valgerdur.pdf | 624.27 kB | Opinn | Heildartexti | Skoða/Opna |