EnglishisÍslenska

Member institutions

Search in


ThesisUniversity of Akureyri>Hug- og félagsvísindasvið>Meistaraprófsritgerðir>

Please use this identifier to cite or link to this item: http://hdl.handle.net/1946/1241

Title
is

"... Þessi sýn á veröldina ..." : brot úr þroskasögu skólastjóra

Abstract
is

Í upphafi er fjallað um innlendar og erlendar rannsóknir á skilvirku skólastarfi.
Dregin eru saman í sérstakan kafla nokkur helstu einkenni skilvirkrar stjórnunar, eins
og þau birtast upp á síðkastið. Í öðrum hluta er gerð grein fyrir rannsóknaraðferðinni
sem er eigindleg og styðst við hefðir sem tengjast ferilsrannsókn og
sjálfsævisögurannsókn. Í næstu fjórum köflum er leitast við að draga fram og túlka
viðhorf skólastjórans Fjólu út frá þroskakenningu sem oft er kennd við sovéska
hugvísindamenn á fyrri hluta 20. aldar og kölluð er menningarfélagsleg kenning.
Kjarni kenningarinnar er sá að hver maður hefur um sig svo kallað næsta mögulega
þroskasvið sem tilgreinir hvað hann getur hér og nú og hvers hann er megnugur með
leiðbeiningu frá öðrum fyrir tilstilli huglægra áhalda s.s. tungumáls og annarra
tjáningarmiðla. Samkvæmt kenningunni setjast raddir annarra að í hugskoti hvers
manns og bera með sér andblæ og setja þannig sérstakan menningarlegan svip á
manneskjuna en menning er hér skýrð sem afurð samskipta. Kenningin gerir ráð fyrir
því að þroski mannsins byrji alltaf úti í veröldinni með víxlverkan samskipta og verði
síðar að verðmætum í huganum. Rannsóknarspurningarnar beinast að því að vita hvað
varð til þess að Fjóla ákvað að verða kennari og síðar skólastjóri, hvernig myndaðist
starfskenning hennar og hver er hún, hvernig hefur hún verið studd til þroska í
starfinu, hvernig eflir hún virkni skólasamfélagsins? Vestrænir fræðimenn hafa dustað
rykið af menningarfélagslegri kenningu á síðustu áratugum og bætt um betur upp á
síðkastið og virðist hún hæfa vel til rannsóknar á því hvernig menn þroskast og
þroska aðra. Í hverjum kafla eru helstu einkenni kenningarinnar skýrð og jafnframt
eru viðhorf viðmælanda míns kynnt og túlkuð þannig að nokkurri birtu bregði á
svörin.

Issued Date
01/01/2002


Artifacts
Name[Sortable]Size[Sortable]Visibility[Sortable]Description[Sortable]Format
Halldór Valdimarss... .pdf627KBOpen Þessi sýn - heild PDF View/Open