EnglishisÍslenska

Member institutions

Search in


ThesisUniversity of Akureyri>Hug- og félagsvísindasvið>Meistaraprófsritgerðir>

Please use this identifier to cite or link to this item: http://hdl.handle.net/1946/1245

Title
is

Millistjórnendur í skólastarfi : hlutverk og störf millistjórnenda í grunnskólum

Abstract
is

Skólastarf nútímans hefur tekið margvíslegum breytingum á undanförnum árum. Allir
skólar verða sífellt að leita leiða til að bæta árangur sinn með hag nemenda og
starfsfólks í fyrirrúmi. Hver skóli er vettvangur breytinga og þróunar, og skapandi
starf verður að koma að sem mestum hluta innan frá. Fagleg forysta um vinnubrögð
við nám, kennslu og stjórnun er ein af forsendum fyrir árangursríku skólastarfi. Slík
forysta er þó ekki ætlandi skólastjórnendum einum. Þess vegna er mikilvægt að
skólastjórnendur geti falið kennurum með sérþekkingu á þessum sviðum
stjórnunarhlutverk. Þessi rannsókn er tilraun til að varpa ljósi á hlutverk og störf
millistjórnenda í grunnskólum á Íslandi með því að kanna ýmsa þætti í starfsumhverfi
þeirra.
Spurningalisti var lagður fyrir 38 millistjórnendur (grunnskólakennara) í
grunnskólum á Eyri og á Nesi þar sem spurt var um ýmsa þætti og viðhorf til
starfsins. Alls svöruðu 36 millistjórnendur. Einnig voru tekin viðtöl við
skóalstjórnendur. Niðurstöður virðast gefa vísbendingar um að ýmsir þættir innan
grunnskólanna sem snúa að millistjórnendum þarfnist úrbóta, en ekki er hægt að
alhæfa um það sökum stærðar þátttakendahóps.
Samkvæmt niðurstöðum eru það álagsþættir í starfsumhverfinu sem virðast
helst leiða til óánægju í starfi hjá millistjórnendum. Það eru óskýrar starfslýsingar,
slök boðskipti milli þeirra og skólastjórnenda, mikil kennsluskylda á kostnað
stjórnunarstarfsins, lítið samstarf virðist vera á milli millistjórnenda og að þeirra mati
virðist sérþekking þeirra ekki vera nýtt sem skyldi af skólastjórnendum til betra
skólastarfs. Engar hliðstæðar niðurstöður annarra rannsókna eru fyrir hendi til
samanburðar, þar sem þessi rannsókn á hlutverkum og störfum millistjórnenda er sú
fyrsta hér á landi sem gerð hefur verið.
Grundvöllur þess að hægt sé að gera starfsumhverfi millistjórnenda betra, er
að vita hvar og hjá hverjum gætir óánægju og finna leiðir til úrbóta. Slíkt kann að
leiða til betra skólastarfs.

Issued Date
01/01/2002


Artifacts
Name[Sortable]Size[Sortable]Visibility[Sortable]Description[Sortable]Format
Laufey María Hreið... .pdf468KBOpen Millistjórnendur - heild PDF View/Open