EnglishisÍslenska

Member institutions

Search in


ThesisUniversity of Akureyri>Hug- og félagsvísindasvið>Meistaraprófsritgerðir>

Please use this identifier to cite or link to this item: http://hdl.handle.net/1946/12496

Title
is

„Þau velja stærðfræðina flest öll, það er undantekning ef þau gera það ekki.“ : rannsókn á vali fimm kennara i 2. bekk á kennsluaðferðum og hvernig komið er til móts við þarfir nemenda í skóla án aðgreiningar í stærðfræðikennslu

Published
June 2012
Abstract
is

Meginmarkmið rannsóknarinnar er að kanna hvaða kennsluaðferðir eru ráðandi í stærðfræðikennslu hjá 5 kennurum í 2. bekk í grunnskóla og hvernig komið er til móts við þarfir nemenda í skóla án aðgreiningar í stærðfræðikennslu. Undirmarkmið rannsóknarinnar er að kanna hvort kennarar leggi áherslu á notkun hjálpargagna og samræðu nemenda í kennslustundum í stærðfræði.
Rannsóknin er eigindleg tilviksrannsókn og var gagna aflað með viðtölum við fimm kennara sem kenna stærðfræði í 2. bekk grunnskóla, tvö við hvern, og farið var í tvær vettvangsheimsóknir til þessara sömu kennara. Gagnasöfnun var frá nóvember 2011 til janúar 2012. Við úrvinnslu gagna var unnið út frá túlkandi greiningu og fundin sameiginleg þemu sem varpa ljósi á rannsóknarefnið og greint er frá í niðurstöðum.
Niðurstöður sýna að samsetning nemendahópsins og námsefnið sem nemendur unnu voru þeir þættir sem höfðu helst áhrif á val kennaranna á kennsluaðferðum. Misjafnt var hvaða kennsluaðferðir kennararnir sögðust nota til þess að koma til móts við þarfir nemenda. Tveir kennarar voru meðal annars með stöðvavinnu þar sem nemendur unnu á stöðvum sem þjálfuðu ólíkar námsgreinar eða ólík stærðfræðiverkefni á meðan hinir þrír sögðust leggja áherslu á einstaklingmiðaða kennsluhætti þar sem nemendur unnu á eigin hraða í því námsefni sem þeir voru með. Allir kennararnir voru með innlagnir, ýmist fyrir einstaklinga eða allan námshópinn. Einungis einn kennari sagðist leggja áherslu á samræðu nemenda í stærðfræði og allir sögðust þeir leggja áherslu á notkun hjálpargagna í stærðfræði. Allir kennararnir notuðu Sprota 2a/b sem grunnnámsefni fyrir flesta nemendur í bekknum. Aðallega var komið til móts við mismunandi þarfir nemenda með aðlöguðu námsefni og einstaklingsinnlögnum og nemendur fengu að vinna á sínum hraða í námsefninu. Einnig kom fram hjá þátttakendum að nemendur væru mjög ánægðir með námsefnið og að langflestum nemendum þætti stærðfræði skemmtilegasta námsgreinin.
Helstu takmarkanir rannsóknarinnar eru að úrtakið er lítið og rannsóknin stóð yfir í stuttan tíma og því er erfitt að alhæfa nokkuð um niðurstöður hennar.

Issued Date
03/07/2012


Artifacts
Name[Sortable]Size[Sortable]Visibility[Sortable]Description[Sortable]Format
Þau velja stærðfræ... .pdf1.11MBOpen Complete Text PDF View/Open

Note: Eingöngu til aflestrar af skjá. Ekki heimilt að afrita eða prenta.