is Íslenska en English

Lokaverkefni (Meistara)

Háskóli Íslands > Menntavísindasvið > Meistaraprófsritgerðir - Menntavísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/12754

Titill: 
  • Fjárfest í framtíðinni : starfendarannsókn í tengslum við innleiðingu á Uppeldi til ábyrgðar í leikskóla
Námsstig: 
  • Meistara
Útdráttur: 
  • Verkefni þetta er starfendarannsókn á því hvernig gekk að innleiða Uppeldi til ábyrgðar, uppbyggingu sjálfsaga, á deild fyrir yngstu börn í einum leikskóla í Fjarðabyggð. Unnið var með grunnþarfirnar öryggi, að tilheyra, frelsi, gleði og áhrif sem þemastarf í barnahópnum ásamt því að starfsmannahópurinn átti að tileinka sér starfshætti tengda stefnunni og fara í gegnum sjálfsstyrkingu tengda Uppeldi til ábyrgðar.
    Ég er deildarstjóri og eini leikskólakennarinn á deildinni sem rannsóknin fór fram á. Ég er líka skoðuð, bæði í innleiðsluferlinu og almennt sem deildarstjóri í daglegum samskiptum við börn og samstarfsfólk. Markmið rannsóknarinnar var að kanna hvort stefnan henti börnum á aldrinum eins til tveggja ára og hvort ég yrði sátt við stefnuna og tilurð hennar í skólanum. Mér fannst stefnan koma ofan frá og tel slíkt ekki góð vinnubrögð í tengslum við innleiðslu stefnu í skólum.
    Rannsóknarspurningarnar eru: Hvernig er best að aðlaga stefnuna að þroska nemenda á yngstu deild Dalborgar? og: Hvernig get ég sem deildarstjóri fengið starfsfólkið til liðs við mig við að starfa samkvæmt stefnunni?
    Rannsóknin stóð yfir frá byrjun maí 2011 og til mánaðamóta janúar-febrúar 2012. Þátttakendur í rannsókninni voru nemendur og starfsmenn á yngstu deild leikskólans ásamt deildarstjórum og stjórnendum skólans. Gagnaöflun fór fram með dagbókaskrifum og söfnun gagna af fundum með innleiðsluhópnum, námskeiðum í Uppeldi til ábyrgðar, starfsmanna-, deilda- og deildarstjórafundum.
    Meginniðurstöður rannsóknarinnar eru þær að í raun er verið að vinna með það sem Uppeldi til ábyrgðar gengur út á í leikskólanum í dag. Við fullnægjum grunnþörfum barna því starfið á deildinni einkennist af því að veita öryggi, skapa gleði og frelsi; börnin fá að hafa áhrif á það sem gert er yfir daginn og þau finna að þau tilheyra okkur og við þeim.
    Þá kom einnig fram að of hratt var farið í innleiðsluna fyrir starfsfólkið því að það náði ekki að tileinka sér stefnuna áður en farið var að nota hana í starfinu með börnunum. Rannsakandinn telur að starfsfólkið þurfi að fara í gegnum sjálfsstyrkingu sína aftur til að viðhalda faglegri þekkingu sinni á Uppeldi til ábyrgðar og endurnýja hana.
    Mér tókst að sættast við stefnuna sjálfa þegar ég áttaði sig á að svona er í raun unnið í leikskólanum þó svo að þetta heiti núna Uppeldi til ábyrgðar. Einnig tel ég að eitt af því sem tefur innleiðsluna sé að starfsfólkið hafi ekki áttað sig á þessari tengingu, það þurfi að horfa fram hjá nafninu og skoða innihaldið. Tilurð stefnunnar inn í skólann er nokkuð sem ég get ekki sætt mig við því ég tel að ferlin eigi að vera með öðru sniði en hér var.

  • Útdráttur er á ensku

    Invest in the future
    This thesis is an action research on how well Restitution – Self-discipline suits youngest children in playschool. The teacher regards his work both in the induction process and in general as a leader in the teacher group in daily contact with children and colleagues. The goal of this thesis was to research the suitability of the policy for children aged from one to two years and if the researcher reconciled the policy and its entry to the
    schools.
    My research questions were: How can I adapt the methods of
    Restitution to the development of the youngest students in the school? And how can I get colleagues to join me to act according to the methods?
    The action research was done from May 2011 to February 2012 with
    Participation from colleagues in “Bláu deild” and the children there, other group leaders and the principals of the school. Data was collected from research diaries, discussions, briefing sheets and discussions with critical friend.
    The conclusions indicate that playschools are using the methods of
    Restitution with children in playschools. We are fulfilling needs and creating safe environment for children. The conclusions also indicate that the teachers were not ready to work through the Restitution with children; they need to improve their knowledge of the methods before they started using it with the children.

Samþykkt: 
  • 28.8.2012
URI: 
  • http://hdl.handle.net/1946/12754


Skrár
Skráarnafn Stærð AðgangurLýsingSkráartegund 
Lokaeintak Lísa Lotta.pdf825.88 kBOpinnHeildartextiPDFSkoða/Opna