EnglishisÍslenska

Member institutions

Search in


ThesisUniversity of Iceland>Hugvísindasvið>Meistaraprófsritgerðir>

Please use this identifier to cite or link to this item: http://hdl.handle.net/1946/12789

Title
is

Rafvæðing bókarinnar. Nútíð og framtíð rafbóka á Íslandi.

Published
September 2012
Abstract
is

Tækniþróun síðustu ára hefur orðið til þess að æ fleiri lesendur um allan heim finna ekki lengur lyktina af eða heyra brakið í blaðsíðunum í nýrri bók sem þeir hafa keypt sér. Nú á tímum eru rafbækur raunverulegur valkostur þegar kominn er tími til að kaupa nýja bók, alla vega í hinum enskumælandi heimi. Á Íslandi hefur þróunin gengið hægar fyrir sig. Fyrsta íslenska rafbókin kom út fyrir síðustu jól, síðan þá hefur þeim ört farið fjölgandi og sífellt bætast við vefsíður þar sem hægt er að festa kaup á rafbókum.
Rafbækur eru engu að síður tiltölulega nýr miðill og ennþá í mótun. Ennþá er óljóst hvaða áhrif þessi tækni hefur á hversdagslíf okkar, aðgengi að upplýsingum, gögn til kennslu, sölu hefðbundinna prentaðra bóka, lestur ungs fólks, útgáfustörf bókaforlaga og fleira. Hér er athugað hvaða stað rafbækur hafa innan bókaútgáfunnar á Íslandi. Fyrst er farið stuttlega yfir sögu rafbókarinnar. Næsti kafli heitir Ritstjórn og útgáfa rafbóka. Þar er skoðað hvernig rafbækur verða til og hvaða áhrif auknir möguleikar til útgáfu á rafrænu formi hafa á ritstjórnarferli bóka. Einnig er rætt um sjálfsútgáfu, dreifingu og höfundarrétt. Í seinasta kaflanum, sem kallast Framtíð rafbóka, koma fram nokkur mismunandi sjónarmið hvað varðar útgáfu rafbóka á Íslandi og þá möguleika sem hún hefur í för með sér. Við vinnslu ritgerðarinnar voru tekin viðtöl við Egil Örn Jóhannsson, framkvæmdastjóra Forlagsins, og Þorstein Mar Gunnlaugsson, eiganda bókaútgáfunnar Rúnatýs.
Rafbækur eru engin töfralausn. Til dæmis hentar ekki öllum að lesa af skjá, hvort sem hann er baklýstur eða ekki, og það kostar mikla vinnu að rafbókavæða bækur sem þegar hafa verið gefnar út. Engu að síður bjóða þær upp á nýja möguleika sem ekki hafa verið til staðar áður hvað varðar aðgengi og dreifingu, sem er mikilvægt að að forlög og aðrir sem koma að útgáfu hér á landi tileinki sér.

Issued Date
03/09/2012


Artifacts
Name[Sortable]Size[Sortable]Visibility[Sortable]Description[Sortable]Format
Rafvæðing bókarinn... .pdf523KBLocked until  05/09/2017 Complete Text PDF