is Íslenska en English

Lokaverkefni (Bakkalár)

Háskóli Íslands > Hugvísindasvið > B.A. verkefni - Hugvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/12897

Titill: 
  • Bláa gullið: Birtingarmynd vatns í verkum Rúríar
Námsstig: 
  • Bakkalár
Leiðbeinandi: 
Útdráttur: 
  • Hér verður fjallað um listamanninn Þuríði Rúrí Fannberg (1951), betur þekkt sem Rúrí. Rúrí hefur verið afkastamikill listamaður í um fjóra áratugi eða allt frá því að hún kom fyrst opinberlega fram árið 1974. Farið verður yfir listrænan feril Rúríar en hún lærði myndlist á Íslandi og úti í Hollandi og á að baki sér margar einka- og samsýningar. Leitast verður eftir að skoða samfélagsleg áhrif í verkum hennar, allt frá áhrifum frá abstraktlistinni til hugmyndalistarinnar og þeirri grósku sem ríkti í samfélaginu á 8. áratugnum með hinni svokölluðu ´68-kynslóð, þar sem gagnrýni á ýmis gildi samfélagsins var áberandi og áhugi á náttúruvernd fór vaxandi. Sjónum verður sérstaklega beint að birtingarmynd vatns í verkum Rúríar, en vatnið kemur ítrekað fyrir í verkum hennar, ýmist beint eða óbeint, með ólíku efnisvali og skilaboðum í hverju verki fyrir sig. Fjallað verður um vatn í tengslum við hverfulleika, virkjanir og breytt listasamfélag frá fyrri öldum. Rúrí hefur gert þrjú regnbogaverk sem eru öll ólík að efniviði og innihaldi og er farið í þau verk og tákn regnbogans í kristnum fræðum og í norrænni goðafræði borið saman. Á seinni árum hefur Rúrí unnið mikið með fossa og verður farið yfir nokkur af þessum verkum ásamt því að líta á efnisval í verkum Rúríar þar sem glerið, ljósmynda- og kvikmyndaformið er tekið sérstaklega fyrir og tengt við eiginleika og tilurð vatnsins. Stuðst verður við ýmsar heimildir og reynt verður að ná fram heildarsýn á birtingarmynd vatns í verkum hennar auk þess að rýna í af hverju vatnið er eins stór hluti af verkum Rúríar og raun ber vitni.

Samþykkt: 
  • 10.9.2012
URI: 
  • http://hdl.handle.net/1946/12897


Skrár
Skráarnafn Stærð AðgangurLýsingSkráartegund 
Forsida_B.A ritgerd_hrefna.pdf32.33 kBOpinnForsíðaPDFSkoða/Opna
B.A ritgerd_Hrefna.pdf597.09 kBOpinnMeginmálPDFSkoða/Opna