Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/13266
Tilgangur rannsóknarinnar var að árangursmeta með einliðasniði þriggja mánaða
dagdeildarmeðferð sem er byggð á díalektískri atferlismeðferð Linehan, fyrir
skjólstæðinga með jaðarpersónuleikaröskun. Ekki er vitað til að það hafi verið gert
áður. Lítið er til af íslenskum rannsóknum á árangri meðferðar við
persónuleikaröskunum. Þátttakendur voru fjórar konur, meðalaldur þeirra var 24 ár.
Staðlað mat á persónuleikavandamálum (Standardised Assessment of Personality
(SAPAS)), alvarleika-kvörðun á persónuleikavandamálum (Severety Indices of
Personality Pathology (SIPP-118)) og skimunarlisti SCID-II voru lagðir fyrir áður en
skjólstæðingar mættu í greiningarviðtöl. Þær fóru í greiningarviðtöl hjá sálfræðingi áður
en aðalmeðferð hófst og aftur eftir að henna lauk. Greining fór fram með SCID-II
(Structured Clinical Interview for DSM Disorders) og MINI (Mini International
Neuropsychiatric Interview). Virknimatsviðtal var tekið og upplýsingar fengnar um
hvaða hegðun veldur oftast vanda í daglegu lífi. Til að meta árangur meðferðarinnar
voru eftirtaldir listar lagðir fyrir vikulega: Kentucky mælikvarði á árvekni (Kentucky
Inventury of Mindfulness Skills (KIMS)), kvarði sem metur erfiðleika í tilfinningastjórn
(Difficulties in Emotion Regulation Scale (DERS)), kvarði sem metur hvata til
sjálfskaða (Self Injury Motivation Scale (SIMS)), kvarði sem metur tilfinningaviðbrögð
(Emotion Reactivity Scale (ERS)), kvarði sem metur þunglyndi, kvíða og streitu
(Depression Anxiety Stress Scale (DASS)), spurningalisti sem metur
jaðarpersónuleikaeinkenni og „rauða flaggið“ þ.e. ögrandi spurning ætluð til að meta
viðbrögð við ögrun. Aðalniðurstöður eru að meðferðin skilaði þátttakendum ólíkum
árangri. Notagildi einliðasniðs til að meta meðferð fyrir skjólstæðinga með
jaðarpersónuleikaröskun sýndi sig, sýnir vel breytileika sem er einkennandi fyrir
þennan skjólstæðingahóp og er vel framkvæmanleg í venjulegri meðferð.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
ms-ritgerd.pdf | 1.1 MB | Opinn | Heildartexti | Skoða/Opna |