Saga grunnskólans og leikskólans á Þórshöfn : með hvaða hætti hefur skólahald á Þórshöfn þróast í gegnum tíðina?

Abstract

Viðfangsefni þessarar ritgerðar er að rekja sögu grunn- og leikskólans á Þórshöfn og fjalla um hvernig skólastigin hafa þróast í gegnum tíðina. Höfundur er sjálfur fæddur og uppalinn á Þórshöfn og stundaði því nám í báðum þessum skólum. Skoðað verður hvernig viðhorf til beggja skólanna hefur breyst og hvernig samstarf hefur verið á milli þeirra síðustu árin.Ritgerðin skiptist upp í fimm megin hluta. Í fyrsta hluta er í stuttu máli sagt frá Þórshöfn á Langanesi, mannlífinu þar og um hvað líf þorpsbúa og sveitunga þeirra hefur snúist frá því um 1900 til dagsins í dag. Þá verður skólasaga íslendinga rakin í öðrum hlutanum og greint frá helstu breytingum sem orðið hafa í menntun og skólastarfi frá því á miðöldum til okkar daga.Í þriðja hluta verður saga grunnskólans rakin, innra og ytra starf skoðað og hvernig skólastarfið hefur breyst á margan hátt síðan um miðja síðustu öld.Fjórði og fimmti hlutinn er um leikskólann og sögu hans. Eins og í kaflanum um grunnskólann verður hið innra og ytra starf skoðað sem og byggingasagan. Að lokum verður fjallað um tengsl leik- og grunnskólans á Þórshöfn. Fjallað verður um hvernig almennt er hægt að brúa bilið á milli skólastiganna, en einnig hvernig því hefur verið háttað á Þórshöfn. Elstu börn leikskólans hafa heimsótt grunnskólann reglulega síðan 1999 og þar af leiðandi hafa mikil tengsl skapast á milli skólanna. Kennari fyrsta bekkjar grunnskólans og leikskólakennari hafa unnið saman að markmiðum og leiðum til að hafa að leiðarljósi er þeir skipuleggja starf fyrir elstu börnin.