is Íslenska en English

Lokaverkefni (Bakkalár)

Háskóli Íslands > Menntavísindasvið > B.A./B.Ed./B.S. verkefni - Menntavísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/13410

Titill: 
  • Heilsdagsskólinn Eikarskjól : uppbygging og stefnumótun
Námsstig: 
  • Bakkalár
Útdráttur: 
  • Ritgerðin fjallar um heildstæða þjónustu að loknum skóladegi fyrir börn með einhverfu. Verkefnið er í tveimur hlutum, annars vegar starfsáætlun heilsdagsskóla fyrir börn með einhverfu og hins vegar greinargerð sem gerir grein fyrir fræðilegum grunni starfsáætlunar um starfsemi Heilsdagsskólans Eikarskjóls, sem er úrræði eftir skóla fyrir börn með einhverfu í fyrsta til sjöunda bekk í Holtaskóla. Markmið starfsáætlunar er að uppfræða starfsfólk sem vinnur að félagslegri þjálfun barna á einhverfurófi, þeir sem vinna að kennslu og þjálfun barnanna þurfa að gera sér grein fyrir sérkennum þeirra og þörfum fyrir aðlagaðar sértækar aðstæður.
    Sagt er frá stefnu stjórnvalda varðandi þjónustu við börn með fötlun að loknum hefðbundnum skóladegi. Skoðuð er saga þeirra dagþjónustu sem börn með einhverfu hafa fengið í Reykjanesbæ og þá heilsdagsþjónustu sem þau fá í dag í Holtaskóla Reykjanesbæ.
    Fjallað er um einhverfu, erfiðleika barna með einhverfu í félagslegum samskiptum og mikilvægi kennslu og þjálfunar í félagslegum athöfnum sem þau geta nýtt sér í frítíma með félögunum.Horft er til sögunnar í hugmyndafræði í málefnum fatlaðra og þá sérstaklega um eðlilegt líf (normalisering) og blöndun fatlaðra og ófatlaðra (intergrering) því þaðan er hugmyndafræðin um skóla án aðgreiningar komin. Einnig er fjallað um skipulagða kennslu/TEACCH sem er viðurkennd aðferð við kennslu barna með einhverfu og var valið að vinna eftir henni í Eikarskjóli.

Samþykkt: 
  • 2.11.2012
URI: 
  • http://hdl.handle.net/1946/13410


Skrár
Skráarnafn Stærð AðgangurLýsingSkráartegund 
Greinagerð.pdf299.72 kBOpinnGreinargerðPDFSkoða/Opna
Starfsáætlun.pdf1.51 MBOpinnPDFSkoða/Opna

Athugsemd: Við viljum hafa aðgang opinn til að skoða en ekki að hægt sé að vista og prenta út.