is Íslenska en English

Lokaverkefni (Meistara)

Háskóli Íslands > Félagsvísindasvið > Meistaraprófsritgerðir - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/13540

Titill: 
  • Frjáls er fjötralaus maður: Lífskjör barnafjölskyldna í kjölfar efnahagshrunsins 2008
Námsstig: 
  • Meistara
Útdráttur: 
  • Markmið rannsóknarinnar var að kanna hvort lífskjör barnafjölskyldna á Íslandi höfðu breyst í kjölfar efnahagshrunsins 2008. Lögð var áhersla á að skoða lífskjör barnafjölskyldna út frá ólíkum heimilisgerðum og tekjum, lífskjör þeirra voru borin saman við lífskjör barnlausra auk þess sem tengsl lífskjara og lífsgæða barnafjölskyldna skoðuð. Fyrri rannsóknir á afleiðingum efnahagskreppa sýna að fjárhagserfiðleikar og óvissa sem oft fylgir í kjölfar þeirra geti haft neikvæð áhrif á foreldrahlutverk. Félagsráðgjafar vinna með barnafjölskyldum hvort sem þeir starfa í félags- skóla eða heilbrigðisþjónustu og koma því að velferð barna og fjölskyldna. Þekking á lífskjörum barnafjölskyldna er einnig mikilvæg fyrir stjórnvöld og aðra sem vinna að því að tryggja hag þeirra. Í rannsókninni voru notuð fyrirliggjandi gögn auk þess sem áhersla var lögð á ítarlega umfjöllun um stöðu þekkingar. Gögnin voru valin með það að markmiði að gefa sem besta mynd af lífskjörum barnafjölskyldna. Gögnin eru frá Hagstofu Íslands, Capacent Gallup og Embætti landlæknis. Stjórnvöld hafa brugðist við neikvæðum afleiðingum efnahagskreppunnar með ýmsum aðgerðum sérstaklega með það að markmiði að vernda viðkvæma hópa. Þó sýna niðurstöður að lífskjör foreldra séu verri en annarra hópa samfélagsins og hafi þar að auki versnað meira í kjölfar efnahagshrunsins 2008. Því eru áframhaldandi aðgerðir stjórnvalda nauðsynlegar til að tryggja velferð fjölskyldna og barna.
    Lykilorð: Efnahagshrun, lífskjör, lífsgæði, foreldrar, fjárhagserfiðleikar, velferð, fyrirliggjandi gögn.

  • Útdráttur er á ensku

    The aim of the research was to explore the effects of the economic crisis in 2008 on the standard of living of parents in Iceland. Further aims of the study were to look at the standard of living of families with children from different backgrounds, compared to those without children, according to income and to explore the relationship between standard of living and quality of life of families with children.
    Previous research on the consequences of the economic crisis demonstrate that financial difficulties and the uncertainty that often follows can have negative impact on the parental role. As social workers act as representatives for the interests and well-being of families, parents’ position in the wake of the economic crisis, is of great professional concern.
    The research draws on existing quantitative data, selected with the aim of evaluating the standard of living of families with children. The data was gathered from the Statistics Iceland, Capacent Gallup and the Directorate of Health.
    State authorities have strategically reacted to the negative effects of the economic crisis through a variety of measures specifically aimed towards the protection of those more vulnerable/disadvantaged. The findings of the research indicate that young families with children have been hit harder in terms of living standards than other groups within society. The finding suggests that further action from the State is necessary to ensure the on-going welfare of families and their children.
    Key words: Economic crisis, standard of living, quality of life, parents, financial difficulties, welfare, secondary analysis.

Samþykkt: 
  • 18.12.2012
URI: 
  • http://hdl.handle.net/1946/13540


Skrár
Skráarnafn Stærð AðgangurLýsingSkráartegund 
Frjáls er fjötralaus maður.pdf1.15 MBOpinnHeildartextiPDFSkoða/Opna