is Íslenska en English

Lokaverkefni (Bakkalár)

Háskólinn á Akureyri > Viðskipta- og raunvísindasvið > B.S. verkefni >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/1367

Titill: 
  • Markaðsáhætta sjávarútvegsfyrirtækja : greining og varnir
Námsstig: 
  • Bakkalár
Höfundur: 
Útdráttur: 
  • Verkefnið fjallar um greiningu og stjórnun á markaðsáhættu sem sjávarútvegsfyrirtæki standa frammi fyrir í rekstri sínum. Verkefnið var unnið út frá tölum í rekstri Tanga hf. á Vopnafirði. Skipta má verkefninu í þrjá hluta. Sá fyrsti fjallar almennt um markaðsáhættu fyrirtækja og þær aðferðir sem nota má til að greina og stýra slíkri áhættu. Í öðrum hluta þess var rekstur Tanga hf. greindur og áhætta fyrirtækisins metin út frá þeirri greiningu. Þriðji hlutinn fjallar um hvernig nýta má þær varnir sem bjóðast á fjármálamörkuðum til að stýra þeirri áhættu sem greind var í rekstri fyrirtækisins og eru tekin dæmi um hvernig slíkar varnir reynast miðað við ólíka þróun markaða.
    Hægt er að stýra markaðsáhættu sjávarútvegsfyrirtækja á virkan hátt. Mikil óvissa er til staðar í rekstri þeirra, en með markvissum aðgerðum má breyta óvissunni í stýranlega áhættu. Með framfallgreiningu er hægt að skilgreina stöðu skuldasafns fyrirtækisins og með samanburði við stöðu íslensku gengiskörfunnar er hægt að taka rökstuddar ákvarðanir um hvort breyta skuli samsetningu skuldanna. Gjaldeyris- og vaxtaáhættu má stýra með afleiðum, ýmist framvirkum samningum, skiptasamningum eða valréttum og einnig má tryggja verð aðfanga með slíkum samningum.
    Tangi hf. býr við töluverða áhættu vegna gjaldeyrishreyfinga, vaxtabreytinga og verðbreytinga á olíu. Ekki er talin ástæða til að breyta skuldasamsetningu félagsins að óbreyttu, en nauðsynlegt er að fylgjast náið með þróun markaða. Framvirkir samningar henta fyrirtækinu vel til varnar greiðsluáhættu, þar sem kostnaður vegna þeirra er lítill og hreyfingar gjaldmiðlanna takmarkaðar. Vert er að gaumgæfa stöðu félagsins hvað varðar vaxtabyrði lána, en vextir í dag eru í sögulegu lágmarki og ekki úr vegi að huga að því að festa vexti á hluta lána með vaxtaskiptasamningum.
    Lykilorð:
    Áhættustjórnun – Markaðsáhætta – Skuldasafn – Vágreining – Framfall – Afleiður

Athugasemdir: 
  • Verkefnið er lokað
Samþykkt: 
  • 1.1.2003
URI: 
  • http://hdl.handle.net/1946/1367


Skrár
Skráarnafn Stærð AðgangurLýsingSkráartegund 
markadsahaettas.pdf573.71 kBLokaðurMarkaðsáhætta - heildPDF
markadsahaettas_e.pdf21.69 kBOpinnMarkaðsáhætta - efnisyfirlitPDFSkoða/Opna
markadsahaettas_u.pdf20.85 kBOpinnMarkaðsáhætta - útdrátturPDFSkoða/Opna
Markaðsáhætta_viðauki3.pdf62.1 kBLokaðurMarkaðsáhætta - viðaukarPDF