Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/13825
Viðfangsefni ritgerðarinnar er þróun knattspyrnu frá áhugamennsku til atvinnumennsku síðastliðna öld. Aðallega er litið á þróunina sem á sér stað hér á landi en einnig verður vikið til nágrannalanda, eins og Danmerkur og Bretlands.
Fyrst verður vikið að upphafi atvinnumennsku í Bretlandi. Þaðan er haldið til Íslands og rætt um byrjun knattspyrnu hér á landi og fyrsta atvinnumanninn, Albert Guðmundsson. Einnig verður fjallað um Þórólf Beck, annan atvinnumann í knattspyrnu.
Því næst verður þróun síðustu aldar og munurinn á deildum og landsliðum Íslendinga og Dana borin saman.
Þá verður farið yfir helstu atvinnumenn Íslendinga á 8. áratugnum, svo sem Ásgeir Sigurvinsson. Í því samhengi er fjallað um það þegar landsliðmenn komust ekki í landsliðsverkefni sökum leikja hjá félagsliðum sínum.
Einnig verður fjallað um áhugamannareglur á Íslandi og hvernig greiðslur til leikmanna jukust jafnt og þétt allan 9. áratuginn. En greiðslur voru á þeim tíma bannaðar.
Síðan verður vikið að auknum fjölda erlendra leikmanna í deildarkeppni á Íslandi. Áhrif þeirra á kaup og kjör leikmanna verða skoðuð í því samhengi. Einnig verður skoðað af hverju hér er ennþá áhugamannadeild, þrátt fyrir að langflestir leikmenn fái eitthvað greitt fyrir knattspyrnuiðkun sína.
Í viðauka er viðtal við Pétur Pétursson. Pétur var atvinnumaður í Hollandi, Belgíu og á Spáni og ræðir um atvinnumennskuna og greiðslur til leikmanna.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Forsíða og fleira.pdf | 119.4 kB | Opinn | Forsíða | Skoða/Opna | |
Ritgerðin til Sverris.pdf | 462.21 kB | Opinn | Heildartexti | Skoða/Opna |