Ísland og erlendur gjaldmiðill. Evra eða Kanadadalur

Abstract

Ritgerðin skiptist í fimm hluta. Í fyrsta hluta er farið stuttlega yfir sögu íslenskra peningamála frá 1713 til dagsins í dag. Jafnframt er farið yfir núverandi peningastefnu Seðlabanka Íslands. Hvaða stjórntæki henni standa til boða og hvernig þjóðhagsmál hafa gengið síðan núverandi peningastefna var tekin upp með tilliti til hvernig verðbólga og gengisvísitala íslensku krónunnar hafa þróast síðustu ár.Í öðrum hluta er kenning Robert Mundells um hagkvæmt myntsvæði skoðuð sem og hvað gengisstefnur standa íslenskum stjórnvöldum til boða. Skoðaðar eru nokkrar reynslusögur ríkja sem hafa farið ákveðnar leiðir í gengismálum.Í þriðja hluta er svo farið yfir sögu kanadískra peningamála, hvernig verðbólga hefur verið í Kanada síðan 2000. Skoðað er hvort Kanadadalur sé fýsilegur kostur fyrir Ísland, hvaða gengisstefnu sé þá best að nota og hver áhrif yrðu af upptöku Kanadadals. Í fjórða hluta er saga evru og ESB rakin, hvert innleiðingarferlið við upptöku evru er og hvort evran sé fýsilegur kostur fyrir Ísland. Einnig er athugað hver áhrifin yrðu af inngöngu Íslands í myntsamstarfið.Í fimmta og síðasta hluta er svo farið yfir niðurstöður og talað um að þótt bæði Kanadadalur og evra séu fýsilegir kostir þá er hvorugur pottþéttur valkostur fyrir Ísland.