Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/14770
Efni þessarar ritgerðar er rannsókn á stuðningsmönnum stjórnmálaflokka á Íslandi. Tilgangur rannsóknarinnar var að skoða hvort stuðningsmenn stjórnmálaflokka á Íslandi hafa að jafnaði meiri áhuga og sterkari skoðanir á stjórnmálum, en þeir einstaklingar sem telja sig ekki vera stuðningsmann neins flokks. Við vinnslu rannsóknarinnar var notast við gögn úr Íslensku kosningarannsókninni frá árinu 2009. Gagnsöfnun var unnin af Rannsóknarmiðstöð Háskólans á Bifröst, en Ólafur Þ. Harðarson prófessor við stjórnmálafræðideild Háskóla Íslands stóð að rannsókninni.
Í ritgerðinni er farið yfir kenningar og rannsóknir sem tengjast kosningahegðun, annarsvegar frá hlið stjórnmálasálfræði og félagssálfræði, en hinsvegar frá hlið kenninga sem eiga upptök sín í hagfræði. Kenningar eru kynntar í sögulegu samhengi. Fjallað verður ítarlega um þær kenningar sem miðast við að útskýra hvers vegna einstaklingar gerast stuðningsmenn stjórnmálaflokks, og hvaða þættir hafa áhrif á skoðanir þeirra. Loks eru niðurstöður rannsóknarinnar kynntar og metnar út frá kenningum.
Niðurstöður rannsóknarinnar sýndu að stuðningsmenn stjórnmálaflokka eru bæði áhugasamari um stjórnmál og hafa sterkari skoðanir á málefnum. Í ljós koma að meiri munur var á áhuga á stjórnmálum meðal þeirra sem töldu sig vera stuðningsmenn og þeirra sem töldu sig ekki vera stuðningsmenn, en ákafi skoðana á málefnum.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
baritgerd-kristinarnorsdottir.pdf | 1.14 MB | Opinn | Heildartexti | Skoða/Opna |