is Íslenska en English

Lokaverkefni (Meistara)

Háskóli Íslands > Hugvísindasvið > Meistaraprófsritgerðir - Hugvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/14791

Titill: 
  • Leið. Nóvella
Námsstig: 
  • Meistara
Efnisorð: 
Útdráttur: 
  • Nóvellan „Leið“ fjallar um síðasta daginn í lífi Signýjar Smáradóttur sem hefur tekið ákvörðun um að svipta sig lífi. Dagurinn er vel skipulagður og Signý veit upp á hár hvernig hún hyggst verja honum. Ýmislegt kemur þó upp á sem hún hafði ekki reiknað með en með þrjóskuna að vopni heldur hún sínu striki og klárar ætlunarverkið. Við skiljum við hana í sögulok þar sem hún er við það að missa meðvitund, en þá heyrum við í örlagavaldinum Krissu sem verður okkar eina von um að söguhetjunni verði bjargað.
    Aðstæður Signýjar eru verulega breyttar í sögulok, þó að ásetningur hennar hafi alltaf verið ljós, og því er „Leið“ nóvella samkvæmt skilgreiningu John Gardners. Við fylgjum Signýju í gegnum þessar umbreytingar í röð hápunkta sem margir hverjir eru í formi endurlita, þ.e. framvindusagan er sífellt brotin upp af endurlitum sem er ætlað að draga upp mynd af Signýju en líka að gefa okkur hugmynd um ástæðu þess að hún ákveður að fremja sjálfsmorð.
    Signý elst upp á heimili þar sem drykkfelldur faðir spilar stóra rullu og heldur heimilisfólki í heljargreipum ofbeldis um margra ára skeið. Signý er að mörgu leyti dæmigert meðvirkt barn sem ber ábyrgð á því að passa mömmu sína og „lífið sjálft“ eins og hún segir sjálf en ekki bara yngri systkini eins og vinkonurnar. Hugsanlega má draga þá ályktun að ákvörðunin um sjálfsvígið komi til þegar hún einn daginn missir þetta hlutverk af því pabbinn hættir að drekka.

Samþykkt: 
  • 6.5.2013
URI: 
  • http://hdl.handle.net/1946/14791


Skrár
Skráarnafn Stærð AðgangurLýsingSkráartegund 
Leid.pdf356.99 kBOpinnHeildartextiPDFSkoða/Opna