is Íslenska en English

Lokaverkefni (Meistara)

Háskólinn í Reykjavík > Tæknisvið / School of Technology > MEd/MPM/MSc Verkfræðideild (áður Tækni- og verkfræðideild) og íþróttafræðideild -2019 / Department of Engineering (was Dep. of Science and Engineering) >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/16107

Titill: 
  • Endingartími hálkusalts á vegum
Námsstig: 
  • Meistara
Útdráttur: 
  • Eftirfarandi rannsókn er á sviði umferðar og skipulags og er spjótum beint að vetrarþjónustu á vegum. Metið verður hvernig magn hálkusalts á yfrborði vega breytist með tilliti til umferðar og vætu, ásamt því að gerð verður athugun á nýjum hálkumælum Vegagerðarinnar.
    Tilgangur. Rannsóknin miðar að því að auka skilning á áhrifum vætu og umferðarmagns á endingartíma hálkusalts og varpa ljósi á kvörðun nýrra hálkumæla hjá Vegagerðinni og meta hvort hægt sé að nýta þennan skilning á efninu til betri ákvarðana í hálkuvörnum.
    Nálgun. Rannsóknin byggir á rýni fræðilegra heimilda. Við rýni fræðilegra heimilda var augum sérstaklega beint að vetrarþjónustu og salti sem hálkuvörn, ásamt erlendum rannsóknum. Töluvert magn mæligagna var skoðað, hvort sem það var eftir handvirkar mælingar eða með því að rýna í gögn sem sjálfvirkir mælar Vegagerðarinnar skrá niður.
    Niðurstöður. Endingartími virtist vera nokkuð lengri en gera mátti ráð fyrir miðað við erlendar rannsóknir. Hálkusalt hefur töluvert minni endingartíma á blautu og röku yfirborði en þurrum vegi. Niðurstöður hálkumæla eru helst þær að sjáanleg stökk í leiðni og saltstyrk koma þegar dreifingu salts er lokið. En þörf er á betri athugun á leiðni þegar vegur er blautur eða rakur og saltlaus, sem eru þær aðstæður þegar hálka er líklegust til að myndast. Einnig þarf að tryggja að rafsvið hálkumæla sé ekki truflað þegar kviknar á ljósastaurum. Þá er jafna sem reiknar saltstyrk ónákvæm og skoða þarf betri nálgun á þeirri jöfnu.
    Lykilorð: Vetrarþjónusta, hálkuvörn, salt, ending, hálkumælar

Samþykkt: 
  • 8.8.2013
URI: 
  • http://hdl.handle.net/1946/16107


Skrár
Skráarnafn Stærð AðgangurLýsingSkráartegund 
Endingartimi_halkusalts.pdf3.16 MBOpinnHeildartextiPDFSkoða/Opna