is Íslenska en English

Lokaverkefni (Bakkalár)

Háskóli Íslands > Menntavísindasvið > B.A./B.Ed./B.S. verkefni - Menntavísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/16359

Titill: 
  • Störf þroskaþjálfa í leikskólum Akureyrar
Námsstig: 
  • Bakkalár
Útdráttur: 
  • Markmið þessarar ritgerðar er að sýna fram á þörfina fyrir stöðugildi þroskaþjálfa hjá leikskólum Akureyrarbæjar. Leitast verður eftir því hvaða hugmyndir leikskólastjórar hafa um störf þroskaþjálfa og hvert sé viðhorf þeirra er til þess að ráða þroskaþjálfa til faglegra starfa.
    Rannsóknarspurningin fyrir ritgerðina er: Hvernig er þörfum fatlaðra barna mætt innan leikskóla Akureyrarbæjar og að hvaða marki koma þroskaþjálfar þar við sögu.
    Ritgerðin byrjar á kynningu á störfum og hlutverki þroskaþjálfans. Siðareglur þroskaþjálfa eru skoðaðar en flestar fagstéttir hafa siðareglur til viðmiðunar í sínum störfum. Ástæða þess að það er skoðað í þessari ritgerð er sú að þroskaþjálfi sem starfar á leikskólum þarf að geta unnið út frá þeim reglum.
    Markhópurinn sem þroskaþjálfinn í þessari ritgerð starfar með eru börn með fötlun á leikskólaaldri. Af þeim sökum verður lauslega kynnt þrjú sjónarhorn á fötlun það er að segja læknisfræðilega sjónarhornið (e. medical model), breska félagslega líkanið (e. social model of disability) og norræni tengslaskilninginn (e. Nordic relational approch to disability). Þar sem ritgerðin snýst um börn með fötlun á leikskólaaldri þá er farið stuttlega í lög um málefni fólks með fötlun, Salamanca yfirlýsinguna sem snýst um mannréttindi, góða skóla og gott samfélag. Barnasáttmála Sameinuðu þjóðanna sem er alþjóðlegur mannréttindasamningur en það er nýbúið að lögfesta hann á Íslandi. Þar sem skólakerfið er orðið opnara en það var áður fyrr þá er fjallað um skóla án aðgreiningar og að börn eigi að geta farið í hvaða skóla sem er og hafi þar rétt á þeirri aðstoð sem þau þurfa á að halda.
    Aðalnámskrá leikskólanna, lög um leikskóla og Skólastefna Akureyrarbæjar verða skoðaðar út frá þroskaþjálfanum.
    Rannsóknin er eigindleg. Tekin voru tvö viðtöl við leikskólastjóra og þeir spurðir út í hvernig unnið er með börnum með skilgreindar fatlanir á þeirra leikskólum, hverjir það væru sem sinna því starfi og í hverju starfið er aðallega fólgið.
    Niðurstaðan úr rannsókninni var sú að leikskólastjórarnir sjá þörf fyrir störf þroskaþjálfa á leikskólum. Þeir myndu vilja hafa þroskaþjálfana meira í almennri vinnu en ekki eyrnamerkta börnum með skilgreindar fatlanir það er að segja vilja sjá þroskaþjálfann sem fagmann sem vinnur með öllum börnunum. Menntun og reynsla þroskaþjálfa er góð viðbót við sjónarhorn leikskólakennaranna. Helsta niðurstaðan var sú að gott væri að hafa þroskaþjálfa starfandi með leikskólakennurunum á leikskólum Akureyrarbæjar en eftir stendur spurningin um hvers vegna eru þeir ekki fleiri að störfum.

Samþykkt: 
  • 3.9.2013
URI: 
  • http://hdl.handle.net/1946/16359


Skrár
Skráarnafn Stærð AðgangurLýsingSkráartegund 
Lokaritgerð Jóhanna Ágústa Stefánsdótt.pdf336.37 kBLokaður til...01.06.2133HeildartextiPDF