Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/16483
Fortölur hafa lengi verið notaðar til að hafa áhrif á viðhorf fólks. Sérfræðiþekking flytjanda skilaboða getur aukið áhrifamátt fortalna, þótt það sé ekki algilt. Þankaþörf viðtakenda skilaboða er talin hafa áhrif á hversu móttækilegur hann er fyrir fortölum og hvort sérfræðiþekking flytjanda skipti máli. Markmið þessarar rannsóknar var að kanna hvort sérfræðiþekking flytjanda skilaboða stýrði áhrifum fortalna á viðhorf. Einnig var athugað hvort sérfræðiþekking flytjanda hefði mismikil áhrif á viðhorf eftir þankaþörf viðtakenda skilaboða. Þátttakendum voru birt skilaboð um staðgöngumæðrun í formi blaðagreinar og var flytjandi annað hvort sagður vera sérfræðingur eða ekki sérfræðingur. Þátttakendur (N = 86), nemendur við Háskóla Íslands, fylltu út kvarða sem mátu viðhorf þeirra til staðgöngumæðrunar og þankaþörf þeirra. Tilgátur rannsóknarinnar voru ekki studdar. Marktækur munur fannst ekki á viðhorfi þátttakenda eftir því hvort flytjandi skilaboða var sérfræðingur eða ekki og þankaþörf þátttakenda stýrði ekki áhrifum sérfræðiþekkingar flytjanda skilaboða á viðhorf þeirra. Skýring á þessu gæti meðal annars verið einsleitt og lítið úrtak og að forprófun skorti á styrkleika fortalna sem og sérfræðiþekkingu flytjanda.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
AnnaMargretSigridurThora.pdf | 655.07 kB | Opinn | Heildartexti | Skoða/Opna |