Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/16656
Ritgerð þessi er lokaverkefni til B.Ed. prófs í grunnskólakennarafræði við Háskóla Íslands. Umfjöllunarefni ritgerðarinnar er líðan barna við upphaf grunnskóla. Það er efni sem hefur verið í huga mér frá því að mitt eigið barn byrjaði í grunnskóla. Engin tvö börn eru eins og þess vegna upplifa þau skólabyrjun á mismunandi hátt. Sumum líður vel og öðrum illa. Tilgangur verkefnisins er að athuga hvort munur sé á líðan barna við skólabyrjun. Stuðst er við fræðilegar heimildir, meðal annars um tengsl leik- og grunnskóla, tengsl heimilis og skóla og farið inn á geðheilsu barna og geðtengsl. Athugun á líðan barna við upphaf grunnskóla er gerð með viðtölum við foreldra fjögurra barna sem hófu nám síðastliðið haust í tveimur ólíkum skólum. Helstu niðurstöður viðtalanna sýna að foreldrum finnst vel tekið á móti börnunum við skólabyrjun og það sé helst gleði og stolt í bland við smá kvíða sem einkenna tilfinningar foreldranna. Ekki virtust breytingar á hegðun og líðan barnanna koma neitt sérstaklega í ljós við tímamótin hvort sem þau hefðu vin sem fylgdi þeim eða þekktu einhvern í skólanum eða ekki. Ekki var hægt að greina meiri vanlíðan eða meiri vellíðan barnanna eftir því í hvorn skólann þau ganga og virtust þau hafa haft það ágætt við skólabyrjun.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Lidanbarna.pdf | 723.15 kB | Opinn | Heildartexti | Skoða/Opna |