Heklað af hjartans lyst : greinargerð um hekl í anda hugsmíðahyggju

Abstract

Hekl hefur lengi verið hluti af íslenskri menningu. Heklað af hjartans lyst, greinargerð um hekl í anda hugsmíðahyggju er fræðileg umfjöllun um hekl, upphaf þess og útbreiðslu. Elstu heimildir um heklaða muni og heklkennslu eru skoðaðar og athugað hvaða kennsluefni er til í dag. Fjallað er um hvernig hekl kemur inn í íslenska skóla og skýrt frá hvernig það birtist í lögum og námskrám. Síðan er hugsmíðahyggja kynnt og greint frá þremur kennismiðum sem aðhyllast hana, þeim Dewey, Piaget og Vygotsky. Að lokum er skoðað hvernig kenningar þeirra og hugmyndir hugsmíðahyggju nýtast við kennslu á hekli.Kennsluverkefnið Lærðu að hekla er samið fyrir nemendur á miðstigi grunnskólans en gagnast öllum sem langar að læra að hekla. Verkefnið byggir á hugmyndafræði hugsmíðahyggju, það er að nemendur læri með því að byggja ofan á fyrri reynslu.