Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/1702
Verkefni þetta er unnið í samstarfi við fyrirtækið 3X Technology á Ísafirði með það markmið að leiðarljósi að leita svara við spurningunni hvort þekkingarstjórnun geti aukið arðsemi fyrirtækisins.
Gerðar voru tvær rannsóknir sem grundvallaðar voru á lykilorðum verkefnisins, önnur megindleg rannsókn á viðhorfi starfsmanna til þekkingarstjórnunar byggð á spurningalista og hins vegar eigindleg rannsókn á viðhorfi stjórnenda til þekkingarstjórnunar byggð á viðtalsformi.
Þótt rannsóknaraðferðirnar hafi verið ólíkar sýndu niðurstöður að lítill munur er á heildar niðurstöðu þeirra.
Í rannsókninni kemur fram að með þekkingarstjórnun getur fyrirtækið nýtt sér mörg tækifæri til að efla starfsemi sína enn frekar, því niðurstöður sýna að ekki hefur tekist að ná fram allri þekkingu og hugmyndum starfsmanna sem mögulega gætu leitt af sér frekari nýsköpun.
Þekkingarmiðlun er einn mikilvægasti þáttur þekkingarstjórnunar og eru gerðar tillögur um nokkrar leiðir við að miðla þekkingu á árangursríkan hátt.
Rannsóknir sýna að þau fyrirtæki sem hafa innan sinna raða starfmenn með skapandi þekkingu, hafa möguleika á að ná ákveðnum yfirburðum á markaði.
Stjórnendur 3X Technology er í þeirri stöðu eins og mörg önnur fyrirtæki á tæknisviðinu að helstu eignir þeirra liggja í þeim mannauði sem starfar í fyrirtækinu. Því er mikilvægt að starfsmannavelta sé í lágmarki og starfsmenn eflist og þróist í starfi og eru gerðar tillögur um hvernig hægt er að ná því markmiði.
Þekkingarauður félagsins er ekki skráður sérstaklega í þekkingarskýrslu, en væri mikilvægt fylgiskjal með ársreikningi til að fá yfirlit yfir allar eignir félagsins.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Efnisyfirlit.pdf | 87.6 kB | Opinn | þekkingarstjórnu - efnisyfirlit | Skoða/Opna | |
Útdráttur.pdf | 51.92 kB | Opinn | Þekkingarstjórnun - útdráttur | Skoða/Opna | |
Heimildaskrá.pdf | 98.96 kB | Opinn | Þekkingarstjórnun - heimildaskrá | Skoða/Opna | |
Þekkingarstjórnun í hátækni- og framleiðslufyrirtæki 3X Technology.pdf | 3.01 MB | Opinn | Þekkingarstjórnun - heild | Skoða/Opna |