Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/17039
Viðfangsefni ritgerðarinnar eru hegðunarraskanir og afbrotamenn. Markmið ritgerðarinnar er að fjalla um þann stuðning og þjónustu sem afbrotamenn með hegðunarraskanir þurfa. Þær hegðunarraskanir sem fjallað er um eru athyglisbrestur með ofvirkni (ADHD), mótþróaþrjóskuröskun og hegðunarröskun. Rannsóknir hafa sýnt fram á tengsl á milli þessara raskana og afbrota. Rannsóknir hafa bent til þess að hlutfall ADHD meðal fanga er á bilinu 15-50%. Fjallað er um áhættuhegðun einstaklinga með þessar raskanir og tengsl þeirra við afbrotahegðun. Þá er fjallað um fanga með hegðunarraskanir og loks um stuðningsúrræði fyrir þá. Með röskununum þremur geta birst ýmsir fylgikvillar eins og til dæmis áfengis- og vímuefnamisnotkun, kvíði og þunglyndi. Því er mikilvægt að vinna út frá heildarsýn svo afbrotarmennirnir fái viðeigandi stuðningsúrræði sem hæfir hverjum og einum. Fjallað verður um starf og markmið réttarfélagsráðgjafa í vinnu með afbrotarmönnum, hvernig mæta eigi afbrotarmönnum með hegðunarraskanir og þann stuðning sem þeir þurfa. Þau úrræði sem fjallað er meðal annars um eru hugræn atferlismeðferð, hvatningarviðtal og vímuefnameðferð.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Fríða Margrét Sigvaldadóttir (2).pdf | 599.69 kB | Opinn | Heildartexti | Skoða/Opna |