EnglishisÍslenska

Member institutions

Search in


ThesisUniversity of Akureyri>Heilbrigðisvísindasvið>B.S. verkefni>

Please use this identifier to cite or link to this item: http://hdl.handle.net/1946/174

Title
is

Orkusparandi aðferðir og langvinn lungnateppa

Abstract
is

Megineinkenni langvinnrar lungnateppu er mæði við daglegar athafnir. Hlutverk iðjuþjálfa í lungnaendurhæfingu er að kenna orkusparandi aðferðir og nota hæfilega ögrandi iðju til að auka vinnuþol og líkamlega getu einstaklingsins. Tilgangur rannsóknarinnar var að skoða hvort kennsla í orkusparandi aðferðum breytti vinnulagi fólks með langvinna lungnateppu og hvort tengsl voru á milli vinnuaðferða og súrefnismettunar í blóði. Því var leitað svara við eftirfarandi rannsóknarspurningum: Hver eru áhrif kennslu í orkusparandi aðferðum á framkvæmd athafna og hvaða áhrif hafa orkusparandi aðferðir á súrefnismettun í blóði? Þýði rannsóknarinnar voru sjúklingar með langvinna lungnateppu sem komu inn til endurhæfingar á Reykjalund og voru hindraðir í athöfnum daglegs lífs. Úrtakið var hentugleikaúrtak, 19 einstaklingar sem uppfylltu þau skilyrði að mælast með lungnateppu við innlögn og upplifðu að minnsta kosti talsverða mæði, samkvæmt spurningarlistanum ,,Mati á andnauð”, við einhverja athöfn sem þeir framkvæma reglulega. Rannsóknaraðferðin var lýsandi megindleg hálftilraun, þar sem þátttakandi framkvæmdi athöfn tvisvar sinnum og í millitíðinni fékk hann kennslu í orkusparandi aðferðum. Mælitæki voru gátlisti fyrir framkvæmdagreiningu og súrefnismettunarmælir. Niðurstöður rannsóknarinnar bentu til þess að kennsla iðjuþjálfa í orkusparandi aðferðum skili sér til skjólstæðinga til skamms tíma. Í rannsókninni kom berlega í ljós að súrefnismettun var hærri við lok athafnar þegar þátttakendur nýttu sér orkusparandi aðferðir.
Lykilhugtök: Orkusparandi aðferðir, mæði, langvinn lungnateppa, áhrif kennslu, framkvæmd athafna og iðjuþjálfun.

Comments
is

Verkefnið er opið nemendum og starfsfólki Háskólans á Akureyri

Issued Date
01/01/2005


Artifacts
Name[Sortable]Size[Sortable]Visibility[Sortable]Description[Sortable]Format
orku-e.pdf65.9KBOpen Orkusparandi aðferðir og langvinn lungnateppa - efnisyfirlit PDF View/Open
orku-h.pdf102KBOpen Orkusparandi aðferðir og langvinn lungnateppa - heimildaskrá PDF View/Open
orku-u.pdf96.6KBOpen Orkusparandi aðferðir og langvinn lungnateppa - útdráttur PDF View/Open
orku.pdf592KBMembers Orkusparandi aðferðir og langvinn lungnateppa - heild PDF