Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/17733
Þróun er hugtak sem nú er orðið samgróið okkar tilveru en samkvæmt almennum skilgreiningum felur hugtakið í sér hugmynd um jákvæðar breytingar. Þrátt fyrir það hefur hugtakið þróun, ásamt þróunarverkefnum, hlotið mikla gagnrýni fræðimanna í gegnum tíðina, ekki síst fyrir það að vera of efnahagslega miðuð. Hér verður fjallað um þessa gagnrýni á þróunarhugtakið, sér í lagi í ljósi félagslegs jöfnuðar og náttúrunnar og gagnrýnin sett í samhengi við kenningar Foucault um orðræðu og vald. Meginkjarni verkefnisins er umfjöllun um leitina að jafnvæginu milli þriggja þátta við þróun, eða efnahags, samfélags og náttúru. Þessir þrír þættir eru meginstoðir sjálfbærrar þróunar sem verður tekin sérstaklega fyrir. Fjallað verður um umfjöllun fræðimanna, þá sérstaklega mannfræðinga, sem þykir þróun vera innantóm, vestræn orðræða sem ekki skili sér í jákvæðum árangri. Að sama skapi verður fjallað um gagnrýni á sjálfbæra þróun sem þykir, þrátt fyrir að vera viðleitni til að ná jafnvægi milli þessara þriggja þátta, einnig vera of efnahagslega miðuð og setja náttúruna og félagslegan jöfnuð í annað sæti. Í lokin verður fjallað um nýstárlegar framfarastefnur frá Bólivíu og Ekvador sem leita annarra leiða og byggja á hugmyndafræði innfæddra um að lifa vel.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Þróun til betra lífs. Jafnvægi efnahags, samfélags og náttúru.pdf | 478.53 kB | Opinn | Heildartexti | Skoða/Opna |