EnglishisÍslenska

Member institutions

Search in


ThesisUniversity of Akureyri>Hug- og félagsvísindasvið>B.A./B.Ed. verkefni>

Please use this identifier to cite or link to this item: http://hdl.handle.net/1946/1781

Title
is

Þær „vefa í dúk og bönd draumanna rós og reyni“ : handavinnu kennsla stúlkna á Norðurlandi : Húsmæðraskóla Þingeyinga

Abstract
is

Eftirfarandi verkefni er unnið sem lokaverkefni til B. Ed.-Prófs við Kennaradeild
Háskólans á Akureyri vorið 2008. Því er ætlað að varpa ljósi á stöðu
handavinnukennslu í barnaskólum á Norðurlandi fyrstu þrjá áratugi tuttugustu aldar,
skýra stöðu handavinnu sem skyldunámsgreinar og athuga námsmöguleika stúlkna í
handavinnu að loknum barnaskóla á þessu tímabili. Því næst er sérmenntun
kvennaskoðuð og hugmyndafræðin að baki henni og helstu talsmenn kynntir. Þá er
barátta þingeyskra kvenna fyrir húsmæðraskóla rakin og að lokum er fjallað um
Húsmæðraskóla Þingeyinga á Laugum og greint frá handavinnukennslu þar eins og
heimildir leyfa.
Niðurstöður verkefnisins sýna að á Norðurlandi virðist handavinnukennsla hafa
verið stunduð nær eingöngu í barnaskólum í bæjum á fyrstu þremur áratugum
tuttugustu aldar. Möguleikar stúlkna til framhaldsnáms í handavinnu voru litlir,
sérmenntun kvenna helgaðist af hlutverki konunnar sem móður og húsmóður og svo
nefnd þjóðernisleg húsmæðrastefna lá að baki stofnun húsmæðraskólanna. Þingeyskar
konur börðust yfir tuttugu ár fyrir slíkum skóla og árið 1929 var Húsmæðraskóli
Þingeyinga stofnaður á Laugum í Reykjadal. Þar var mikið og gott skólastarf og
fjölbreytt handavinnukennsla. Eftir 1970 fór nemendum stöðugt fækkandi og var
skólinn lagður niður 1986 vegna breyttra aðstæðna í þjóðfélaginu.

Issued Date
24/07/2008


Artifacts
Name[Sortable]Size[Sortable]Visibility[Sortable]Description[Sortable]Format
Álfheiður_-Loka lo... .pdf7.53MBOpen Heild PDF View/Open