is Íslenska en English

Lokaverkefni

Háskóli Íslands > Heilbrigðisvísindasvið > Kandídatsritgerðir >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/18302

Titill: 
  • Skilvirkni Logos í lestrarskimun
Útdráttur: 
  • Gagnsemi og kostnaður við skimun lestrarerfiðleika með fjórum prófhlutum lestrargreiningarprófsins Logos voru athuguð meðal 187 barna sem voru í 3. bekk í grunnskólum Reykjanesbæjar haustið 2011. Beitt var merkjagreiningu (e. signal detection analysis) og miðað við að finna nemendur í áhættu fyrir lestrarerfiðleikum, þar sem árangur barna á samræmdum könnunarprófum í íslensku haustið 2012 var notaður til þess að skilgreina áhættu. Forspárhæfni prófhluta Logos fyrir árangri á samræmdum könnunarprófum var umtalsverð. Niðurstöður fylgni-, fjölbreytuaðhvarfs-, og merkjagreiningar gáfu til kynna að til þess að ná fram sem mestri gagnsemi úr skimun með Logos, væri nægilegt að styðjast aðeins við árangur nemenda á prófhlutanum leshraði. Finna má 80% nemenda í áhættu fyrir lestrarvanda, þegar öllum nemendum sem fá 33 eða lægra á leshraða er vísað í frekari greiningu. Ef aðeins á að finna verst settu nemendurna, þá sem eru í mikilli áhættu, er unnt að finna þá alla þegar nemendum sem fá 17 eða lægra á leshraða er vísað í frekari greiningu. Niðurstöður rannsóknarinnar gefa til kynna að leit að nemendum í áhættu fyrir lestrarvanda með Logos er árangursrík, en henni fylgir þó einhver tilkostnaður þar sem vísa þarf nokkuð stórum hópi nemenda í ítarlegri greiningu að óþörfu. Niðurstöður rannsóknarinnar eru mikilvægt framlag í framþróun lestrarskimunar á Íslandi.

Samþykkt: 
  • 16.5.2014
URI: 
  • http://hdl.handle.net/1946/18302


Skrár
Skráarnafn Stærð AðgangurLýsingSkráartegund 
Einar Trausti_Cand.psych. verk_Til prentunar.pdf606.34 kBOpinnHeildartextiPDFSkoða/Opna