is Íslenska en English

Lokaverkefni (Bakkalár)

Háskólinn á Akureyri > Heilbrigðisvísindasvið > B.S. verkefni >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/184

Titill: 
  • Þróun ofþyngdar og offitu 9 ára grunnskólabarna á Reykjavíkursvæðinu
Námsstig: 
  • Bakkalár
Útdráttur: 
  • Tilgangur rannsóknarinnar var að kanna þróun ofþyngdar og offitu á meðal barna í fjórða bekk í grunnskólum á Reykjavíkursvæðinu. Skoðuð var þróun ofþyngdar og offitu frá árinu 1998 til ársins 2004. Einnig var borin saman ofþyngd og offita á milli stúlkna og drengja skólaárið 2004-2005.
    Samkvæmt upplýsingum hjá Alþjóðaheilbrigðismálastofnunarinnar eru meira en 22 milljónir barna undir 5 ára aldri of þung og um 155 milljón börn á skólaaldri. Í Evrópu hefur vandamálið aukist jafnt og þétt með mestri aukningu í suður Evrópu. Í norður Evrópu er tíðni ofþyngdar 10-20% hjá börnum meðan að hún er 20%-35% í suður Evrópu. Ísland er ekki undanskilið þessari þróun.
    Notuð var megindleg rannsóknaraðferð við gerð rannsóknarinnar.Rannsóknargöngin voru fengin frá Miðstöð heilsuverndar barna í formi hæðar- og þyngdarmælingar sem yfirfærð höfðu verið yfir á líkamsþyngdarstuðulinn. Þau voru síðan borin saman við niðurstöður rannsóknar Brynhildar Briem frá árinu 1999 til að sjá þróun þyngdaraukningar barna.
    Samkvæmt niðurstöðum rannsóknarinnar hefur dregið úr þróun ofþyngdar og offitu meðal barna í fjórða bekk í grunnskólum á Reykjavíkursvæðinu milli áranna 1998 og 2004. Einnig sýndu þær að ofþyngd var algengari hjá stúlkum en hjá drengjum en hins vegar var offita algengari meðal drengja.
    Þessi þróun er jákvæð og er þar með hægt að draga þá ályktun að forvarnarstarf sé að skila árangri. Betur má ef duga skal og mikilvægt er að halda áfram markvissu forvarnar- og fræðslustarfi og draga þannig enn frekar úr þyngdaraukningu grunnskólabarna.
    Lykilhugtök: Líkamsþyngdarstuðull (BMI, body mass index), ofþyngd og offita barna, Reykjavíkursvæðið og skólaárið 2004-2005.

Samþykkt: 
  • 1.1.2006
URI: 
  • http://hdl.handle.net/1946/184


Skrár
Skráarnafn Stærð AðgangurLýsingSkráartegund 
ofthyngd.pdf319.35 kBOpinnÞróun ofþyngdar og offitu 9 ára grunnskólabarna á Reykjavíkursvæðinu - heildPDFSkoða/Opna