Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/18531
Í þessari ritgerð eru rannsökuð afbrot í ævintýrum. Við túlkun og greiningu ævintýra Grimmsbræðra voru kenningar afbrotafræðinnar notaðar sem verkfæri og miðað við lagalegt umhverfi nútímasamfélags. Kenningarnar hafa allar mismunandi sjónarhorn á afbrotin. Leitað er svara við spurningum á borð við af hverju eru afbrot framin og hverjir eru afbrotamennirnir ásamt því að huga að hver sagnamaður ævintýranna er. Einnig er tekinn fyrir kynjamunur í afbrotum og munurinn á glæpum í raunveruleikanum og í ævintýrunum.
Niðurstöður leiddu í ljós að munur er á afbrotum í ævintýrum og í raunveruleikanum. Önnur viðmið gilda varðandi afbrot og réttlæti í ævintýrum en í raunheimi. Afbrot eru megin uppistaða í atburðarás ævintýranna, án þeirra hverfur virkni ævintýrisins. Sagnamaðurinn er mikilvægur hluti af ævintýrunum og fléttar hann eigin reynslu og viðhorf inn í frásögnina. Oftast reynir hann að koma ákveðnum boðskap til áheyrenda sem getur endurspeglað samfélagið sem ævintýrið er sprottið úr. Svo virðist vera að konur brjóti frekar af sér en karlar í ævintýrum sem er andstætt við raunveruleikann.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Afbrot í ævintýrum.pdf | 455.82 kB | Opinn | Heildartexti | Skoða/Opna |