„Hvað ertu að mála?“

Abstract

Okkur er gefið einstakt sjónarhorn í lífinu, við höfum getu til þess að sjá, heyra, snerta og þefa. Við ættum að nýta okkur það til hins ýtrasta, við þurfum ekki á neinum öðru að halda til þess að skoða heiminn.Í þessari ritgerð er fjallað um skynjun mannsins á umheimi sínum, hvernig við skilgreinum umhverfi okkar út frá líkama og hug. Skoðað verður hvernig heimurinn birtist okkur út frá kenningum fyrirbærafræðinnar sem leggur áherslu á að sá heimur sem birtist hverjum og einum, hvort sem það er í skynjun, daglegu lífi eða með greiningu vísinda, sé eini heimurinn sem til er. Í því samhengi fjallar heimspekingurinn Alva Noë um hvernig list getur haft áhrif á daglega skynjun okkar og hversu mikilvæg líkamleg hreyfing og virkni er til þess að skynja og upplifa umhverfi til fullnustu. Ég mun skýra frá eigin verkum og hugsunum í tengingu við þessar kenningar.Í framhaldi fjalla ég um listamenn sem hafa lagt hug á að opna sýn sína á heiminum og finna nýjar sköpunarleiðir. Ég íhuga líka hvernig ofskynjanir hafa áhrif á hugsanir okkur um umheiminn og hversu samtengd við erum í raun.